News Portal

  • राष्ट्रिय अनुसन्धानको भक्तपुर प्रमुखमा पुन: तिमल्सिना

    भक्तपुरपोस्ट संवाददाता भक्तपुर, १५ साउन २०८०
    ३३६६ पटक
    भक्तपुर, १५ साउन २०८०

    राष्ट्रिय अनुसन्धान विभागको भक्तपुर जिल्ला स्थित कार्यालय प्रमुख फेरिएका छन् । प्रकाश आचार्यलाई पालो दिएर विभाग पुगेका उप अनुसन्धान निर्देशक(एसपी) टेकराज तिमल्सिना पुन: भक्तपुर प्रमुख भएका हुन् ।

    सोमबार उनले जिल्ला प्रशासन कार्यालयस्थित कार्यकक्षमा पुगी पदभार समेत ग्रहण गरेका बताइएको छ । राष्ट्रिय अनुसन्धान विभागको प्रमुखमा हुतराज थापा नियुक्त भएपछि विभागको महत्वपूर्ण मानिने प्रशासन शाखामा तिमल्सिनालाई तानिएको थियो । निवर्तमान जिल्ला प्रमुख प्रकाश आचार्य सरुवा भई विभाग पुगेका बताइएको छ । उप अनुसन्धान निर्देशकद्वय तिमल्सिना र आचार्य दुवै विभाग प्रमुख थापाका बिश्वासपात्र मानिन्छन । सबैको रोजाइमा पर्ने उपत्यकाको जिल्ला कमाण्ड थापाकै इच्छामा तिमल्सिनाले दोहोर्याउन सफल भएका श्रोतको दावी छ । मिजाासिलो स्वभावका तिमल्सिना अनुसन्धान विभागमा काविल नेतृत्वकर्ताको रुपमा परिचित छन् ।

    राष्ट्रिय अनुसन्धान विभाग नेपालको संविधानमा व्यवस्था भए वमोजिम संघमा रहने गरी स्थापित इन्टेलिजेन्स संस्था हो । केही वर्ष अघि गृह मन्त्रालय मातहत रहेको यो विभाग पछिल्लो समय सिधै प्रधानमन्त्री तथा मन्त्रीपरिषदको कार्यालय मातहत रहेको छ ।सिंहदरवार गेटमा मुख्यालय रहेको विभागले प्रत्येक जिल्लामा कार्यालय खडा गरेको छ ।

    सरकारलाई आवश्यक पर्ने सबै प्रकारका सूचना उपलव्ध गराउने यसको जिम्मेवारी रहेको छ । भक्तपुरमा यसका लागि कार्यालय प्रमुखको रुपमा उप अनुसन्धान निर्देशक एसपी सरहको दरबन्दी रहेको छ । त्यस्तै अनुसन्धान अधिकृत, सहायक र सूचक गरी १ दर्जन बढी अनुसन्धानका कर्मचारी कार्यरत रहेका श्रोतले जनाएको छ । जिल्लामा प्रमुख बाहेकका कर्मचारी प्राय: सार्वजनिक परिचयमा आउँन चाहदैनन् ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...