News Portal

  • शैक्षिक प्रमाणपत्रमा फरक नाम, थर, उमेर सच्याउन सरकारको नयाँ नियम, लाखौँ विद्यार्थीलाई राहत

    भक्तपुरपोष्ट संवाददाता भक्तपुर,७ भदौ २०८०
    २४११ पटक
    भक्तपुर,७ भदौ २०८०

    गृह मन्त्रालयले प्रस्ताव गरेको विद्यार्थीको शैक्षिक प्रमाणपत्रमा नाम, थर, जन्ममिति सच्याउने सम्बन्धी नियमावली मन्त्रिपरिषदले स्वीकृत गरेको छ । योसंगै नागरिकता र शैक्षिक प्रमाणपत्रमा नाम, थर, जन्ममिति फरक परि समस्यामा रहेका लाखौँ विद्यार्थीले राहत पाएका छन् ।

    पूर्व विद्यार्थी नेता समेत रहेका उपप्रधान एवं गृहमन्त्री नारायणकाजी श्रेष्ठका प्रमुख स्वकीय सचिव विजय गौतमले शैक्षिक योग्यताको प्रमाणपत्रमा नाम, थर, जन्ममिति नमिलेर हैरान भएका विद्यार्थीको समस्या समाधान गर्नेगरी नियम संशोधन गरिएको बताए । ‘उमेर, नाम, जात सच्याउने नियमहरू, २०१७’ मा तेस्रो संशोधन गरी सरकारले लाखौँ विद्यार्थीलाई राहत पुग्नेगरी नियम परिमार्जन गरेको गौतमले जानकारी गराए ।

    ‘उमेर, नाम, जात सच्याउने नियमहरू, २०१७’ अनुसार शैक्षिक प्रमाण पत्र पाएको ६ महिनाभित्र निवेदन दिएर मात्रै फरक परेको नाम, थर जन्ममिति सच्याउन सकिने व्यवस्था छ । त्यसैगरी नागरिकताको प्रमाण पत्र लिईसकेको भए नागरिकता प्रमाणपत्रमा उमेर, नाम र जात संशोधन गर्न सीडीओले संशोधन गर्नुको आधारहरू समेत उल्लेख गरेर संशोधन भएको ठहर्ने गरी निर्णय गरेको भन्ने फैसला पर्चा खडा गरी नियमावली अनुसार परीक्षा नियन्त्रण कार्यालयलाई सच्याउनको लागि यी सबै प्रमाणहरू जुटाएर एसईईको प्रमाण पत्र पाएको ६ महिना भित्रै बोर्डमा सिफारिस सहित पठाउनु पर्ने हुन्छ ।

    सरकारको पछिल्लो संधोधनले भने प्रमाण पत्र पाएको छ महिना भित्र सच्याइसक्नुपर्ने समयावधीलाई बढाएर पाँच वर्ष पुर्याएको छ । अब विद्यार्थीले पाँच वर्ष सम्म प्रमाणपत्र सच्याउन निवेदन दिने समय पाएका छन् ।

    त्यतिमात्र होइन, संशोधन हुनु अघि नै शैक्षिक प्रमाण पत्र लिएका विद्यार्थीले समेत संशोधित नियम लागू भएको १ वर्ष भित्र निवेदन दिएर आफ्नो फरक परेको नाम,थर र जन्ममिति सच्याउन सक्ने व्यवस्था गरिएको पूर्व विद्यार्थी नेता एवं उपप्रधान एवं गृहमन्त्री नारायणकाजी श्रेष्ठका प्रमुख स्वकीय सचिव विजय गौतमले जनाएका छन् ।

    उमेर, नाम, जात सच्याउने नियमहरूमा सरकारले गरेको संशोधन लाखौँ विद्यार्थीको पक्षमा भएको राष्ट्रिय परीक्षा बोर्डका अध्यक्ष महाश्रम शर्मा बताउँछन् । विद्यार्थीहरु शैक्षिक प्रमाण पत्रको नाम, थर र उमेर सच्याउन बोर्डमा धाउने र कानुनी जटिलताका कारण फ़र्काउनुपर्दा दुखी हुने गरेका स्मरण गर्दै अध्यक्ष शर्माले त्यस्ता विद्यार्थीको पक्षमा सरकारले न्याय गरेको प्रतिक्रिया दिएका छन् ।

    अध्यक्ष शर्माले अहिलेसम्म नाम, थर र उमेर नमिलेर समस्यामा परेका सबै विद्यार्थीलाई समेत १ वर्ष भित्र सच्याउन निवेदन दिने मौका दिनु खुशीको कुरा भएको बताए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...