भक्तपुर, १२ भदौ २०८०सरकारले सहसचिव दिनेश कुमार घिमिरेलाई सचिवमा बढुवा गरेको छ । मंगलवार बसेको मन्त्रिपरिषद् बैठकले घिमिरेलाई निजामति सेवाको बिशिष्ठ श्रेणी सचिव पदमा पदोन्नती गर्ने निर्णय गरेको हो ।
लोक सेवा आयोगका अध्यक्ष माधव प्रसाद रेग्मीको अध्यक्षतामा बसेको बढुवा सिफारिस समितिले प्रशासनतर्फ रिक्त सचिव पदमा बढुवाका लागि सहसचिवहरु दिनेश कुमार घिमिरे, राधिका अर्याल र चूडामणि पौडेलको नाम सोमबार सिफारिस गरेको थियो । मंगलवार बसेको मन्त्रिपरिषद् बैठकले पहिलो बरियतामा रहेका घिमिरेलाई सचिव पदमा पदोन्नती गर्ने निर्णय गरेको एक मन्त्रीले जानकारी गराएका छन् ।
घिमिरे चीनको सिचुवान प्रान्तस्थित व्यापारिक शहर छेन्दुका लागि नेपाली महावाणिज्य दूतका रुपमा कार्यरत रहेका छन् । त्यस अघि उनी लामो समय देखि प्रधानमन्त्री तथा मन्त्रीपरिषदको कार्यालयमा कार्यरत रहेका थिए ।
झापा स्थायी घर भएका घिमिरे सूर्यविनायक नगरपालिका-५ कटुन्जेकाे मनाेरम बस्ती निवासी हुन् । उनी लो प्रोफ़ाइलमा रहेर हाइ रिजल्ट दिन रुचाउने प्रशासक हुन् । निर्वाचनका बेला निर्वाचन आयोगमा रहेर काम गरेका उनीसंग उद्योग मन्त्रालयमा समेत काम गरेको अनुभव छ । सहसचिव हुँदा उनले गृह मन्त्रालय अन्तर्गत रही सर्लाही, स्याङ्जा लगायत जिल्लामा सिडिओ भएर पनि आफ्नो प्रशासनिक योग्यताको परिचय दिईसकेका छन् ।
भक्तपुरको कटुन्जे मनाेरम बस्ती निवासी घिमिरे शान्त स्वभाव र मिलनसार व्यवहारका कारण स्थानीय समुदायमा प्रिय छन् । भक्तपुरको स्थानीय विकास निर्माण र समस्या समाधानमा समेत चासो राख्ने घिमिरे निजामती सेवाको सचिव पदमा पदोन्नती हुँदा स्थानीयले खुशी व्यक्त गरेका छन् ।