भक्तपुर, १८ भदौ २०८०नेपाल पर्यटन यातायात व्यावसायी संघको आगामी निर्वाचनका लागि प्रकाश सापकोटाको नेतृत्वमा विधिवत् उम्मेदवारी दर्ता भएको छ ।
पर्यटन यातायात व्यावसायमा सानै उमेरदेखि रुचिपूर्वक लागेका अध्यक्ष पदका प्रत्यासी सापकोटा हाल माउन्टेन बुद्ध टुर्स एन्ड ट्रान्स्पोर्ट प्रा लि का प्रबन्ध निर्देशक छन ।
आगामी भदौ १९ गते हुने निर्वाचनको लागि सापकोटाको नेतृत्वको प्यानलवाट वरिस्ट उपाध्यक्ष भरतप्रसाद तिमल्सिना, उपाध्यक्ष अन्जन महर्जन, महासचिव अनिल मोक्तान, सचिव प्रमोद प्रसाद अर्याल, कोसाध्यक्ष रामकुमार बस्नेत र सदस्यहरुमा क्रमशः वाजिराम घिमिरे, इन्द्र बहादुर पाठक , सुदिन महतको उमेदवारी दर्ता गरिएको छ ।
निर्वाचन भएपछि संघको साधारणसभा भाद्र २२ मा हुने बताइएको छ । अध्यक्ष पदमा तपाइको उमेदवारी किन भन्ने प्रश्नमा सापकोटाले व्यावसायलाई थप मर्यादित र सेवालाई प्रभावकारी बनाउन तथा व्यवसायीको हक हितमा समर्पित भएर लाग्ने उद्देश्यले आफुले उमेद्वारी दिएको बताए ।