भक्तपुर, १८ भदौ २०८०सचिव दिनेश कुमार घिमिरेलाई मधेश प्रदेश सरकारको प्रमुख सचिवमा पदस्थापन गरिएको छ । मंगलवार सचिव पदमा पदोन्नती भएका घिमिरेलाई सरकारले मधेश प्रदेशमा प्रमुख सचिवको जिम्मेवारी दिएको हो ।
बढुवाको करिब एक साता पछि मुख्य सचिव बैकुण्ठ अर्यालले सचिव घिमिरेलाई पदस्थापनको पत्राचार गरेका हुन् ।
घिमिरे चीनको सिचुवान प्रान्तस्थित व्यापारिक शहर छेन्दुका लागि नेपाली महावाणिज्य दूतका रुपमा कार्यरत रहेका छन् । त्यस अघि उनी लामो समय देखि प्रधानमन्त्री तथा मन्त्रीपरिषदको कार्यालयमा कार्यरत रहेका थिए । उनी संग बिभिन्न जिल्लाको सिडिओ रहेर काम गरेको अनुभव समेत रहेको छ ।
झापा स्थायी घर भएका घिमिरे सूर्यविनायक नगरपालिका-५ कटुन्जेकाे मनाेरम बस्ती निवासी हुन् । हसिला र मिजासिला स्वभावका प्रशासक घिमिरेले आफ्नो पदीय दायित्व विवाद रहित र सफलतापूर्वक सम्पन्न गर्दै आएका छन् ।
यो पनि