News Portal

  • ‘सँझ्या साहित्य’ पुन: शुरु

    भक्तपुरपोष्ट संवाददाता भक्तपुर, ६ असोज २०८०
    ३१२ पटक
    sajhya sahityaभक्तपुर, ६ असोज २०८०

    कला र कविताका लागि पाठक र कविको सेतु”सँझ्या साहित्य” पुन: सञ्चालनमा आएको छ । करिब १ दशक अघि शुरु भएको र पछिल्लो समय कोभिड लगायतका कारण स्थगित यो साहित्यिक कार्यक्रम पुन: शुरु भएको हो ।

    लामो समय पछि शनिवार मध्यपुर थिमिको शङ्खधर चोकस्थित द बिन्ज एन्ड बाइट्ज क्याफेमा “सँझ्या साहित्य” मार्फत कविहरुले आफ्ना कविता सुनाए । कार्यक्रममा १६ कविका कविता सुन्ने भनिए पनि १८ कविले आआफ्ना कविता सुनाएका थिए । सर्वप्रथम नयाँ पुस्ताकी कवि एवम् सञ्चारकर्मी कञ्चन जिआरले आजकल शीर्षकको रुमानी कविता सुनाइन् । अग्रजपुस्ताका कवि कृष्णमोहन जोशीले “समृद्धिको सपना देख्न”, सामना पहाडले “उस्तै रहेछ”, कवि एवम् पत्रकार जीतेन्द्र रसिकले “अक्षरका कथा”, विक्रम पवन परियार्ले “वीर योद्धासँगको प्रेम”, रमी प्रियाले “प्रेमको क्षितिज”, अविनाश भट्टराइले “आगो”, ईश्वर थोकरले “याद”, विष्णुकला राईले “जाभामा कफी” शीर्षकका कविता सुनाए ।

    त्यस्तै नेपालभाषाका कवि ॐ कृष्ण श्रेष्ठले “पानी”, चर्चित कवि उमेश अकिञ्चन राईले “घामलाई प्रश्न” अनिता महर्जनले “मलाई मार्छौ किन”, शोभा सरभले “इच्छा” हिमाल चन्द्र बरालले “शासकको अन्त्य”, तेजकृष्ण श्रेष्ठले सुसेली कविता सुनाए ।

    सँझ्या साहित्यका हरिहर तिमिल्सिनाले एक कविता सुनाए भने अभय श्रेष्ठले तीन कविता सुनाएका थिए । उक्त अवसरमा कवि एवम् समालोचक महेश कार्की क्षितिजले पनि आफ्नो कविता पास्किए ।

    वाचित कवितामाथि कवि एवम् समालोचक कार्कीले समीक्षात्मक टिप्पणी समेत राखका थिए । अभय श्रेष्ठको कविता र कताकारिताका बारे टिप्पणी गर्दै उनले आउन लागेको कविता सञ्चयन “लहना र तिर” ले नेपाली कवितामा धमाका मच्चाउने र अमिट छाप छोड्ने बिश्वास व्यक्त गरे ।

    सँझ्याका अभियन्ता, कवि एवम् पत्रकार रामगोपाल आशुतोषले सँझ्याको शुरुवातीदेखिका क्रियाकलाप र भावी कार्ययोजना प्रस्तुत गर्दै कार्यक्रमका रूपरेखा प्रस्तुत गरेका थिए । प्रत्येक महिनाको दोस्रो शनिबार तीन पुस्ताका कविलाई ससम्मान मञ्चमा प्रस्तुत गर्ने बताउँदै उनले खल्तीमा कविता बोकेर आफ्नो सुनाएर खल्तीमा कोचेर लुसुक्क हिँड्ने कविलाई सँझ्या साहित्यले निरुत्साहित गर्ने र सुनाउने तथा सुन्ने चौतारी बनाउने बताए । सँझ्या सबैको साझा भएको र यसले विशुद्ध पाठक र कविताको सेतुको रूपमा काम गर्ने साहित्यिक अभियन्ता आशुतोषको भनाइ छ ।

    सँझ्या साहित्यको सहआयोजक चाक्ला फल्चा रहेको छ भने मिडिया पार्टनरमा भक्तपुर पोष्ट, ग्रेस एफएम १०७.६ र सारङ्गी न्युज रहेका छन् । सँझ्यामा नवीन प्रकाश श्रेष्ठले व्यवस्थापकको जिम्मेवारी पाएका छन् ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...