पत्रकार कमल बुढाको नेतृत्वमा ‘क्रान्तिकारी प्रेस संगठन’ गठन  गरिएको छ । क्रान्तिकारी पत्रकार महासंघ र क्रान्तिकारी पत्रकार संगठनबीच एकता भइ बुढाको नेतृत्वमा ‘क्रान्तिकारी प्रेस संगठन’ गठन भएको हो ।

एकता भेलाले कमल बुढा संयोजक र नारायण पंगेनी सहसंयोजक रहेको ६५ सदस्यीय सम्मेलन आयोजक कमिटी निर्माण गरेको एक सहभागीले जानकारी गराएका हुन । नवनिर्वाचित कमिटीको पहिलो बैठक बाट संगठन र संघर्ष सम्बन्धी निर्णय लिइने संगठनका संयोजक कमल बुढाले बताएका छन् ।

क्रान्तिकारी कम्युनिस्ट पार्टी, नेपालका कार्यालय सदस्य तथा पार्टी प्रवक्ता धर्मेन्द्र बास्तोला कञ्चनको प्रमुख आतिथ्यतामा सम्पन्न भेलाले पत्रकार बुढालाई नेतृत्वको जिम्मेवारी दिएको हो ।