भक्तपुर, १३ असोज २०८०भक्तपुरको सूर्यविनायक-५ सल्लाघारीस्थित बाबा बुक्स एण्ड स्टेसनरीका संचालक कोमलप्रसाद दाहाललाई पितृशोक परेको छ । उनका बुवा भानुभक्त दाहालको ९२ वर्षको उमेरमा निधन भएको हो ।
सिन्धुलीको तीनपाटन गाउँपालिका-२ शाखाजोर निवासी भानुभक्त माइलो छोरासंग चितवनमा बस्दै आएका थिए । चितवनस्थित निवासमा शनिवार बिहान भानुभक्तको निधन भएपछि उनको पार्थिव शरीरलाई देवघाटमा अन्त्येष्टि गरिएको पारिवारिक श्रोतले जनाएको छ ।
दिवङ्गत भानुभक्तका पुण्यप्रसाद, रोहित, कोमल र चुडामणि गरि ४ छोरा छन् भने गङ्गा, सरस्वती र कल्पना ३ छोरीहरु छन् । दिवङ्गत भानुभक्त नेपाल पत्रकार महासंघ भक्तपुरका सदस्य बाबुराम दाहालका हजुरबुवा एवम् महासंघका सचिव संजीप शुभचिन्तकका मावली हजुरबुवा समेत हुन् । भक्तपुरपोष्ट दिवङ्गत भानुभक्त दाहाल प्रति श्रद्धाञ्जली अर्पण गर्दै शोक सन्तप्त परिवारमा गहिरो समवेदना प्रकट गर्दछ ।