भक्तपुर, १३ असोज २०८०निओ फ्युजन बाजा समूह लिवालि भक्तपुरको अध्यक्षमा धाँ बाजाका प्रशिक्षक सबिन लेबा निर्वाचित भएका छन् । शनिबार भएको प्रथम अधिवेशनबाट लेबाको अध्यक्षतामा ४१ सदस्यीय नयाँं कार्यसमिति गठन भएको हो ।
यस अघि अध्यक्ष रहेका धिमे बाजा प्रशिक्षक उगेन बोयजुलाई चुनावी प्रतिस्पर्धीमा पराजित गर्दै सविन विजयी भएका हुन् । दुईवटा बाहेक अरु सवै पदका लागि निर्वाचन भएको थियो ।
निर्वाचनबाट उपाध्यक्षमा विराज लोहला, सचिवमा प्रिजेन्ट कर्माचार्य, सहसचिवमा रेहान दुवाल, कोषाध्यक्षमा उमेश कर्मचार्य, सहकोषाध्यक्ष रोशन खयामली निर्वाचित भए । प्रतिस्पर्धीहरु क्रमश उपाध्यक्षमा रुपेश श्रेष्ठ र सचिवमा राजन लिबीलाई हराउँंदै उनीहरु विजयी भएका थिए । सहसचिव रेहान दुवाल र कोषाध्यक्षमा उमेश कर्मचार्य सर्वसम्मत भएका थिए । सहकोषाध्यक्षमा रोशन खयामली निर्वाचित भए । उनको प्रतिपक्षमा रञ्जित भलजु रहेका थिए । कार्यसमितिका पदाधिकारी बाहेक ३२ जना सदस्य रहेका छन् ।
निर्वाचनबाट सल्लाहकारमा निओ फ्युजन स्कुल अफ कम्प्युटरका संचालक बालकृष्ण बनमाला, नवदुर्गा धिमे बाजा समूहका अध्यक्ष लक्ष्मीप्रसाद बनमाला, किसन दुकछु छानिएका छन् ।
निओ फ्युजना बाजा समूहको स्थापना २०७५ सालमा भएको थियो । यसले २०७६ सालदेखि निरन्तर रुपमा सक्रिय भएर काम गरिरहेको छ । यसले ४ चोटी धिमे बाजा प्रशिक्षण, २ पटक धाँ बाजा र १ पटक पछिंमा बाजाको प्रशिक्षण दिइसकेको छ ।
सल्लाहकार बालकृष्ण बनमालाले विभिन्न कार्यक्रमहरु गर्दै लैजाने बताएका छन् । नयाँ कार्यसमितिले आफैं सम्पदा पदयात्रा गर्ने, विविध कार्यक्रममा सहभागी हुने, अन्य प्रतियोगितामा सहभागी हुने उनको भनाइ छ । साथै, बनभोज कार्यक्रम प्रस्ताव गरी बनभोज गर्ने योजना रहेको बताए । यसवर्ष नीतिगत रुपमा बाजा समूहलाई नगरपालिकामा दर्ता गर्ने योजना रहेको बनमालाले बताए । त्यस्तै कार्यसमितिको कार्यकाल २ वर्ष रहने उनले जनाएका छन् ।