News Portal

  • घिमिरे गाउँमा भेटिएको शवको पहिचान, हत्या आरोपमा सुडालका एकसहित २ जना सार्वजनिक

    भक्तपुरपोष्ट संवाददाता भक्तपुर, १५ असोज २०८०
    ५८८५ पटक
    भक्तपुर, १५ असोज २०८०

    भक्तपुरको सीमाना संगै जोडिएको काभ्रेको बनेपा १ स्थित घिमिरे गाउँमा आइतवार बिहान मृत अवस्थामा भेटिएका मानिसको हत्या अभियोगमा दुईजना पक्राउ परेका छन् । काभ्रे प्रहरीले सोमबार पत्रकार सम्मेलन गरी उनीहरुलाई सार्वजनिक गरेको छ ।

    आइतवार बिहान नग्न र घोप्टो परेको अवस्थामा फेला परेको शव सिन्धुलीको मरिण घर भै घिमिरे गाउँमा ज्यालामजदुरी गरी बस्ने पचपन्न वर्षीय दुधलाल थिङ्गको भएको भन्ने खुलेको काभ्रे प्रहरीका सूचना अधिकारी समेत रहेका डिएसपी राजकुमार श्रेष्ठले जानकारी दिएका छन ।

    शवको प्रकृती हेर्दा कर्तब्य ज्यान भन्ने खुल्न आएपछि अनुसन्धानमा रहेको प्रहरीले घटनाको १२ घन्टामै हत्या अभियोगमा दुई जनालाई समात्न सफल भएको छ । एकान्त स्थल र सीसीक्यामेरा नभएको हुँदा सादा पोशाकमा रहेका प्रहरीले अनुसन्धान अघि बढाएका डिएसपी श्रेष्ठले जानकारी दिए । अनुसन्धानका लागि प्रहरी प्रधान कार्यालयबाट प्रहरी निरीक्षक डा नारायण ज्ञवालीको नेतृत्वमा तालिमप्राप्त कुकुर सहितसहित अनुसन्धान अघि बढाइएको उनले बताए ।

    अनुसन्धानबाट हत्यामा संलग्न २ जनालाई पक्राउ गरिएको डिएसपी श्रेष्ठले पुष्टि गरे । प्रकाउ पर्नेमा भक्तपुरको चाँगुनारायण ८ का २१ वर्षीय समिर राय र काभ्रेको बनेपा १ बस्ने २२ वर्षीय ईश्वर बिक रहेका छन् । उनीहरुले हत्यामा संलग्न हुँदा लगाएको कपडा लुकाएको समेत बरामद भएको प्रहरीको भनाइ छ । उनीहरुले हत्या गरेको स्वीकार गरेका डिएसपी श्रेष्ठले जानकारी दिएका छन ।

    अभियुक्तहरु मादक पदार्थ सेवन गरी घर फर्कने क्रममा थिङ्गसंग भेट भएको र सामान्य भनाभन हुँदा कुटपिट गरी लडाई ढुंगाले पछाडि टाउकोमा हानी फरार भएको खुल्न आएको डिएसपी श्रेष्ठले जनाएका छन् । हत्याको कारणबारे थप अनुसन्धान भैरहेको बताइएको छ ।

    प्रतिकृया दिनुहोस्

    हनुमन्ते खोलामा हाम फालेका युवकको उद्धार

    hanumante

    भक्तपुरको हनुमन्ते खोलामा हाम फालेका मानिसको उद्धार गरिएको छ । स्थानीय र प्रहरीले उनको उद्धार...

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...