चाँगुनारायण-९ ताथलीमा छोरीको घर जेष्ठ नागरिक आश्रम निर्माणको लागि सूर्यविनायक नगरपालिकाले रु ५० लाख देखि १ करोड सम्म संस्थागत सहयोग गर्ने घोषणा गरेको छ ।  आश्रममा आयोजित महायज्ञमा नगरप्रमुख वासुदेव थापाले मंगलवार सहयोगको घोषणा गरेका हुन् ।

हाल भाडामा संचालन भैरहेको छोरीको घर जेष्ठ नागरिक आश्रमको लागि जग्गा खरिद र भवन निर्माण सहयोगार्थ ताथलीमा सञ्चालित श्रीमदभागवत विराट पितृ मुक्ति ज्ञान महायज्ञमा सहभागी भएका नगरप्रमुख थापाले उक्त सहयोगको  घोषणा गरेका आयोजकले पुष्टि  गरेको हो । नगर प्रमुख थापाले आफ्नो ब्यक्तिगत तर्फबाट समेत १ लाख १ हजार १ सय ११ रुपैयाँ सहयोग गरेका छन् । ताथली नजिकै निवास भएका नगर प्रमुख थापा महायज्ञमा सपत्नी सहभागी भएका थिए । मेयर पत्नी अम्बिका थापाको नामबाट सो सहयोग रकम प्राप्त भएको आयोजकको भनाइ छ । मेयर थापाले सामाजिक काममा सहयोग गर्न पाउदा सन्तोष ब्यक्त गरेका छन् ।

उक्त अवसरमा नगर उपप्रमुख सरिता तिमिल्सिना भट्टराईले पनि १५ हजार ५ सय ५५ रुपैयाँ सहयोग गरेकी आयोजकले जनाएको छ । मंगलवार महायज्ञमा नगर प्रमुख र उपप्रमुखसहित सूर्यविनायक नगरपालिकाका सबै वडाध्यक्षहरु सहभागी रहेका बताइएको छ ।

mayor team suryabinayak