News Portal

  • भक्तपुर इन्टरनेशनल अस्पतालबाट रेडक्रसकर्मीलाई सहुलियत देखि निःशुल्क उपचारसम्मको सेवा

    भक्तपुर पोष्ट संवाददाता भक्तपुर, २९ असोज २०८०
    १२८२ पटक
    bhaktapur international hospitalभक्तपुर, २९ असोज २०८०

    भक्तपुरको मध्यपुर थिमि वडा नं. ३ कौशल्टारस्थित भक्तपुर इन्टरनेशनल अस्पताल र नेपाल रेडक्रस सोसाइटी मध्यपुर थिमि उपशाखाबीच सहुलियतपूर्ण स्वास्थ्य उपचार सेवाको सम्झौता भएको छ ।

    अस्पतालका अध्यक्ष ज्ञानकृष्ण श्रेष्ठ र रेडक्रसको तर्फबाट उपशाखाका सभापति बाबुकाजी श्रेष्ठले सम्झौता पत्रामा हस्ताक्षर गर्दै भक्तपुर इन्टरनेशनल अस्पतालबाट रेडक्रसकर्मीलाई सहुलियत देखि निःशुल्क उपचारसम्मको सेवा प्रवाह हुने सार्वजनिक गरेका हुन् ।

    हस्ताक्षर गरिएको उक्त सम्झौतापत्रमा २२ प्रकारको स्वास्थ्यउपचार सेवामा सहुलियत प्रदान गरिने उल्लेख गरिएको छ । उक्त सम्झौता अनुसार अस्पतालले नेपाल रेडक्रस सोसाइटी मध्यपुर थिमि उपशाखा अन्तर्गका कुनै पनि जेष्ठ नागरिक सदस्य वा असहाय अर्थात आर्थिक रुपमा कमजोर छन् भने उनीहरुलाई निःशुल्क उपचार गर्ने अस्पतालका अध्यक्ष ज्ञानकृष्ण श्रेष्ठले जानकारी दिएका छन् ।

    नेपाल रेडक्रस सोसाइटीमध्यपुर थिमि उपशाखाका सदस्यहरु, कर्मचारी र उनका परिवारहरुलाई सहज, सुलभ र सहुलियतउपचार सेवाको लागि अन्त कतै भौतारिनु नपर्ने गरी सेवा सुविधा दिन भक्तपुर इन्टरनेशल हस्पीटलले रेडक्रसको प्रस्तावलाई सहर्ष स्वीकार्नु भएकोले सदस्यहरुको हितलाई मध्यनजर गर्दै यो सम्झौता गरिएको उपशाखा सभापति बाबुकाजी श्रेष्ठले बताएका छन् ।

    सभापति श्रेष्ठका अनुसार यसरी सदस्यहरुका लागि सुविधा प्रदान गर्ने कार्य मध्यपुर थिमि उपशाखाको ऐतिहासिक शुरुवात भएको र यसले सेवाभावामा समर्पित सदस्यहरुको मनोबल बढ्ने उनले बिश्वास व्यक्त गरे ।

    कार्यक्रममाअस्पतालका प्रशासकीय प्रमुख रामकुमार श्रेष्ठले स्वागत मन्तब्य राखेका थिए भने उपशाखाको तर्फबाट उपसभापति सविना श्रेष्ठ, सचिव जीवन श्रेष्ठ, कोषाध्यक्ष काशीभक्त कायस्थ, उपसचिव सुशिला श्रेष्ठ, सहकोषाध्यक्ष श्रीरामश्रेष्ठ, सदस्यहरु लक्ष्मीकेशरी श्रेष्ठ र कन्यामन्दिर प्रजापति लगायतको उपस्थिति रहेको थियो ।

    सम्झौतापश्चात नेपाल रेडक्रस सोसाइटी मध्यपुर थिमि उपशाखाको तर्फबाट अस्पताललाई प्रमाणपत्र प्रदान गरिएको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...