News Portal

  • महेश बस्नेतको गृह जिल्लामा मसाल जुलुस

    भक्तपुर पोष्ट संवाददाता भक्तपुर, ६ मंसिर २०८०
    ३१३ पटक
    भक्तपुर, ६ मंसिर २०८०

    प्रमुख प्रतिपक्षी दल नेकपा (एमाले) को पोलिटब्युरो सदस्य एवं राष्ट्रिय युवा संघ नेपालका इन्चार्ज महेश बस्नेतको गृहजिल्ला भक्तपुरमा मसाल जुलुस निकालिएको छ । भक्तपुरका एमाले सम्बद्ध युवा विद्यार्थीहरुले बिहीवार गरिने शक्ति प्रदर्शनको तयारी स्वरुप आज साँझ मसाल जुलुस निकालेका हुन् ।

    युवा संघ र अनेरास्ववियुले बिहीवारको लागि आयोजना गरेको प्रदर्शनमा सहभागी हुन प्रोत्साहित गर्ने उदेश्यले बुधवार साँझ मसाल जुलुस निकालिएको बताइएको छ । जिल्लाको ४ वटै नगरपालिकालाई केन्द्रित गरी ४ ठाउँमा मसाल जुलुस सम्पन्न गरिएको युवा संघ नेपालका भक्तपुर अध्यक्ष रविन थापाले बताए ।

    सूर्यविनायक नगरपालिकाको सूर्यविनायक चोक, चाँगुनायणको लान्चाफल्चा, भक्तपुरको राम मन्दिर नजिक र मध्यपुर थिमीको निकुसेरामा मशाल जुलुस निकालिएको थापाले जनाएका छन् । निकोसेरा मेडिकल व्यवसायी दुर्गा प्रसाईको निवास क्षेत्र पनि हो । मसाल जुलुसलाई निस्तेज पार्न स्थानीय प्रशासनले ब्यापक सुरक्षाकर्मी तैनाथ गरेको भएपनि आफूहरुको कार्यक्रम सफल भएको आयोजकको दावी छ ।

    एमाले बिहीबार काठमाडौँको तीनकुनेमा विशाल प्रदर्शनको तयारीमा जुटेको छ । मेडिकल व्यवसायी दुर्गा प्रसाईले चुनौती दिएर बिहीवार नै आफ्नो शक्ति प्रदर्शन गर्ने भएपछि एमालेको सिंगो पार्टीलाई भोलि हुने प्रदर्शन प्रतिष्ठाको विषय समेत बनेको छ ।

    दुई पक्षबीच हुनसक्ने तनावलाई ध्यान दिएर सरकारले निश्चित ठाउँमा निषेधाज्ञा जारी गर्नुका साथै सुरक्षा सतर्कता बढाएको देखिन्छ ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...