News Portal

  • दुर्गा प्रसाई नामको अराजकता अन्त्य भएको महेश बस्नेतको दावी

    भक्तपुर पोष्ट संवाददाता भक्तपुर, ७ मंसिर २०८०
    २०९ पटक
    mahesh basnetभक्तपुर, ७ मंसिर २०८०

    पूर्व मन्त्री समेत रहेका नेकपा एमालेका पोलिटब्युरो सदस्य एवं युवा संघ नेपालका इन्चार्ज महेश बस्नेतले आजैबाट दुर्गा प्रसाईको अराजकताको अन्त्य भएको दावी गरेका छन् । आफूहरुको शक्तिले प्रसाईको अराजकताको अन्त्य भएको उनले दावी गरेका हुन् ।

    राष्ट्रिय युवा संघ नेपाल र अनेरास्ववियुले काठमाडौँको तिनकुनेमा आयोजना गरेको विरोध सभालाई सम्बोधन गर्दै नेता बस्नेतले भने, ‘आजबाट दुर्गा प्रसाईँ नामको अराजकता सदाका लागि समाप्त भएको छ ।” उनले प्रसाईँलाई बैंक ठगेको र राजश्व छलेको आरोपमा गिरफ्तार गर्न समेत सरकारलाई आग्रह गरे ।

    आफ्नो कार्यक्रमलाई बाघ बताएका बस्नेतले प्रसाईँको कार्यक्रम कुकुरजस्तो भएको भन्दै अब अप्रांत ठिक ठाउँमा बस्न चेतावनी समेत दिए । उनले प्रसाईँलाई पूर्व राजाको भूतको संज्ञा दिएका छन् । युवा विद्यार्थीहरूको प्रदर्शनले प्रसाईको हावा खुस्काइदिएको उनको भनाइ छ ।

    सरकारकै कमजोरीका कारण् व्यवस्था विरोधीहरुले टाउको उठाउन खोजेको आरोप लगाउदै नेता बस्नेतले गणतन्त्र विरोधीहरु तथा थन्क्याइएको राजसंस्थालाई देशबाट नै निकाल्नुपर्ने अवस्था आइरहेको बताए ।

    उनले प्रचण्ड नेतृत्वको सरकारले जनतामा निरासा बढाएको बताउदै सरकार नसच्चिए काठमाडौंमा मानव सागर ओराल्ने पनि चेतावनी दिए ।

    बिहीवार बिरोध सभा अघि भक्तपुर बाट हजारौंको संख्यामा मोटरसाइकल र्याली गर्दै युवा विद्यार्थीहरु तीनकुने पुगेका थिए । सभा सकिएपछि उनीहरुले सो क्षेत्र सरसफाई समेत गरेका छन् । उक्त विरोध सभामा उत्तेजक भाषणबाजी भएपनि कुनै तोडफोड र मुढभेढ भने भएन ।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...