News Portal

  • जिप्रका भक्तपुर बिरुद्ध सर्वोच्चमा मुद्दा

    भक्तपुर पोष्ट संवाददाता भक्तपुर, ८ मंसिर २०८०
    ११४६ पटक
    भक्तपुर, ८ मंसिर २०८०

    गणतन्त्र बिरोधी अभियन्ता भनिएका मेडिकल व्यवसायी दुर्गा प्रसाईं जिल्ला प्रशासन कार्यालय भक्तपुर र जिल्ला प्रहरी परिसर भक्तपुर बिरुद्ध सर्वोच्च अदालत पुगेका छन् । शुक्रबार डा. सुरेन्द्र भण्डारीमार्फत प्रसाईंले भक्तपुरका यी दुई कार्यालयलाई विपक्षी बनाई बन्दी प्रत्यक्षीकरणकाे निवेदन दर्ता गराएका हुन् ।

    प्रसाईंलाई घरमै कानुनविपरीत नजरबन्दमा राखिएको दायर निवेदनमा भनिएको छ । प्रसाईको मौलिक मानव अधिकार कुण्ठित भएको भन्दै उनलाई अदालतमा उपस्थित गराई बन्दी प्रत्यक्षीकरणको आदेश जारी गरि पाउन निवेदनमा मागदावी गरिएको छ । प्रसाईको स्वतन्त्रता हनन भएको भन्दै बिपक्षीहरुबाट उचित क्षतीपूर्ती भराई पाउन पनि निवेदनमा माग गरिएको छ ।

    सर्वाेच्चले आइतवारलाई तारेख ताेकेकाे बताइएको छ।

    झापा स्थायी घर भएका प्रसाई भक्तपुरको मध्यपुर थिमि–६ निकोसेरा नजिकै निजी निवासमा बस्दै आएका छन् । बिहीवार बल्खुमा शक्ति प्रदर्शन गरेका प्रसाईले आफ्ना समर्थकलाई ३ दिन प्रदर्शन गर्न उर्दी जारी गरेका भएपनि शुक्रवार उनी आफै घर बाहिर निस्किएनन ।

    प्रसाईलाई अहिले सुरक्षा चुनौती रहेको र प्रहरीले उनको घरमा सुरक्षा मात्र दिएको तर नजरबन्द भने नगरेको भक्तपुरका प्रहरी प्रमुख रहेका एसपी बेद बिष्टले बताएका छन् । “सुरक्षाका लागि खटिएका प्रहरी देखाएर गलत प्रचार भयो ।” उनले भने ।

    दुर्गा प्रसाई गिरफ्तार वा नजरबन्दमा भन्ने काल्पनिक हल्ला मात्रै भएको उपप्रधान एवं ग्रह मन्त्रीका स्वकीय सचिव विजय गौतमले समेत बताएका छन् । ‘प्रसाईजी गिरफ्तार वा नजरबन्दमा भन्ने भर्खरदेखि जुन प्रचार थालिएको छ, त्यो सम्पुर्णत झुट र काल्पनिक हल्ला मात्रै हो।’ उनले भने ।

    यसैबीच बिहीवार बल्खुमा प्रदर्शनका क्रममा द्वीपक्षीय झडप हुन नपाओस्, मानवीय एवम् भौतिक क्षति हुन नपाओस र निजी एवम् सार्वजनिक सम्पत्तिको नोक्सानी हुन नपाओस् भनेर छुट्टाछुट्टै कार्यक्रम स्थान तोकिएको तथा केहीले निषेधित क्षेत्र तोड्न खोज्दा नियन्त्रणका लागि अश्रुग्यास र पानीको फोहोरा मात्रै प्रयोग गरिएको उप प्रधान एवं गृह मन्त्री नारायणकाजी श्रेष्ठका प्रेस सल्लाहकार कमल गिरीले जानकारी गराएका छन् । प्रहरीले रबर वा कुनै पनि प्रकारको गोली प्रयोग नगरेको उनले बताएका छन् । दुई पक्षको सम्भावित भिडन्त रोक्न प्रहरी सफल भएको तर, उल्टै प्रहरीको मनोबल गिराउन खोज्ने कार्य निन्दनीय भएको गृह मन्त्रीको सचिवालयको भनाई छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...