News Portal

  • स्रष्टा तथा समाजसेवीहरूलाई अनेसास बोस्टनको सम्मान

    भक्तपुर पोष्ट संवाददाता भक्तपुर, ११ मंसिर २०८०
    ३९७ पटक
    भक्तपुर, ११ मंसिर २०८०

    ११५ औँ देवकोटा जयन्तीका अवसरमा अन्तर्राष्ट्रिय नेपाली साहित्य समाज बोस्टन च्याप्टरद्वारा आयोजित साधारणसभा तथा स्रष्टा सम्मान समारोह संयुक्त राज्य अमेरिकास्थित बस्टनको नेपाली मन्दिरमा एक भव्य समारोहबीच सम्पन्न भयो।

    नेपाल प्रज्ञा प्रतिष्ठानका माननीय कुलपति कवि भूपाल राईको प्रमुख आतिथ्यमा भएको साधारणसभा तथा स्रष्टा सम्मान कार्यक्रममा साहित्यकारद्वय महेश्वर पन्तको “उडेका पैताला” र अनु शाहको कविता कृति “अनुराग”को कर्मभूमिमा विमोचन गरियो।

    सोही अवसरमा प्रमुख अतिथि राईले अनेसास नेपाल च्यप्टरका नि.वर्तमान महासचिव तथा कवि ऋषभदेव घिमिरेलाई सम्मानपत्र र शकुन ज्ञवालीलाई अनेसास नारी तारा सम्मानद्वारा सम्मानित गरे।

    त्यसैगरी साहित्य र सामाजिक सेवामा समर्पित विभिन्न व्यक्तित्वलाई अनेसास बोस्टन च्यप्टरले सम्मान तथा कदरपत्रद्वारा सम्मान गर्यो ।

    पशुपतिनाथ बुद्ध फाउन्डेसन बी.ओ.टी. का सभापति सुशील पौडेल, कार्य समितिका अध्यक्ष विष्णु कार्की, संगीतज्ञहरू क्रमशः रञ्जन बुढाथोकी, प्रेमसागर खतिवडा, सुशील गौतम, राज कपुर, श्याम नेपाली, सुन्दर गुरुङ , राम थापा, लोकगायक मीन के.सी., समाजसेवी तथा संघसंस्थाका अध्यक्ष तथा पदाधिकारीहरूमध्ये अञ्जु थापा, जल घिमिरे, सानु वर्मा अधिकारी, सुरेश ढकाल, तृष्णा काफ्ले शर्मा, प्रचण्ड श्रेष्ठ लगायतकालाई सम्मान गरियो।

    सम्मान कार्यक्रम पश्चात् भएको काव्यवाचन कार्यक्रममा लोकार्पित कृति अनुरागबाट कवि अनु शाह, कवि दीपा राई पुन र ममता कर्माचार्यले कविता वाचन गरे भने उडेको पैताला कवितासङ्ग्रहमाथि ऋषभदेव घिमिरेले समीक्षात्मक टिप्पणी गरेका थिए।

    कार्यक्रममा अनेसासका वरिष्ठ उपाध्यक्ष विजय शर्मा, सम्मानित स्रष्टा शकुन ज्ञवाली, नेपाल प्रज्ञा-प्रतिष्ठानका प्राज्ञ सदस्य बाबा बस्नेत, अनेसासका केन्द्रीय अध्यक्ष गोवर्द्धन पूजालगायतका अतिथि वक्ताले शुभकामना व्यक्त गरे।

    प्रमुख अतिथिको आसनबाट बोल्दै कुलपति राईले प्रवासमा पनि नेपाली साहित्य र संस्कृति मौलाएको देख्न पाउँदा खुसी व्यक्त गरे।

    नेपाली साहित्य र संस्कृतिको प्रवर्द्धनमा नेपाली समाजले पुर्याएको भूमिकाप्रति सम्मान गर्दै नेपाल सरकारले पनि यस्ता मौलिक संस्कृति बोकेका नेपाली मन्दिर,गुम्बा तथा नेपाली समुदायको सामुदायिक भवनहरू निर्माणमा प्रोत्साहन तथा संरक्षणमा विशेष ध्यान पुर्याउनुपर्दछ भन्ने धारणा राखे।

    कार्यक्रम अनेसास बोस्टन च्याप्टरका अध्यक्ष महेश्वर पन्तको सभापतित्त्वमा भएको थियो।

    प्रतिकृया दिनुहोस्

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...