दुवाकोट मोडमा स्थानीयले सडक अवरुद्ध गरेका छन् । स्थानीयले सडकमा प्रदर्शन गर्दै सवारी आवागमनमा अवरोध गरेका हुन् ।

स्थानीयले चक्काजाम गरेपछि स्थानीयलाई नै सास्ती भएको छ । कर्मचारी र विद्यार्थीलाई कार्यालय र विद्यालय पुग्न सास्ती भएको हो । कार्यालय समयमा यातायात बन्द गरिएको प्रति उनीहरुले गुनासो गरेका छन् ।

प्रदर्शनमा उत्रिएका प्रविन दुवालले जानकारी गराए अनुसार दुवाकोट पुग्ने ३ किलोमीटर सडक ५ वर्ष सम्म निर्माण सम्पन्न हुन नसक्दा सडक अवरुद्ध गरि बिरोध प्रदर्शन गरिएको हो ।  धुलाम्मे र खाल्डाखुल्डी सडकलाई निर्माण सम्पन्न गर्न सरोकारवाला उदासिन देखिएपछि बाटो बन्द गरेर बिरोध प्रदर्शन गर्नुपरेको प्रदर्शनकारीहरुले जिकिर गरेका छन् ।