News Portal

  • खड्काको नेतृत्वमा चाँगुनारायण २ मा वाइसिएलको २७ सदस्यीय समिति गठन

    भक्तपुर पोष्ट संवाददाता भक्तपुर, २१ मंसिर २०८०
    ९४० पटक
    भक्तपुर, २१ मंसिर २०८०

    सत्तारुढ दल नेकपा(माओवादी केन्द्र) को सहायक संगठन वाइसिएल नेपालले चाँगुनारायण नगरपालिकाको वडा नम्बर २ मा संगठन बिस्तार गरेको छ । चाँगुनारायण २ मा भएको युवा भेलाबाट सुशान्त खड्काको नेतृत्वमा २७ सदस्यीय वडा समिति गठन गरिएको हो ।

    बिहीवार सम्पन्न भेलाले सुशान्त खड्काको नेतृत्वमा २७ सदस्यीय वडा समिति गठन गरेको पार्टीका नगर अध्यक्ष नरेश खड्काले जानकारी गराएका हुन् । उक्त वडा उनको आफ्नै वडा पनि हो । पार्टीप्रति युवामा देखिएको आकर्षण नगर पार्टीलाई उत्साहित पार्ने किसिमको रहेको नगर अध्यक्ष खड्काले जिकिर गरेका छन् ।

    जनतासंग माओवादी विशेष रुपान्तरण अभियानको अवसरमा चाँगु-२ मा वाइसिएलको संगठन बिस्तार गरिएको उक्त क्षेत्रमा अभियानको जिम्मेवारी पाएका प्रदेश सदस्य युवराज आचार्यले बताए ।

    बागमती प्रदेश सभाकी सांसद एवं अभियान अन्तर्गत चाँगु नारायणको इन्चार्ज रहेकी माओवादी केन्द्रकी केन्द्रीय सदस्य अमृता नेपालको प्रमुख आतिथ्यतामा भेला सम्पन्न भएको वाइसिएल इन्चार्ज नरेश रन्जितले जानकारी गराएका छन् ।

    उक्त अवसरमा नेतृ नेपालले समसामयिक राजनीति, पार्टीको पछिल्लो अवस्था र सरकारको उपलब्धीबारे युवाहरुलाई प्रशिक्षित गरेकी थिइन् । उनले व्यवस्था बदल्न माओवादीले गरेको योगदानको स्मरण गर्दै अब जनताको अवस्था बदल्ने जिम्मेवारी पनि माओवादीकै काधमा रहेको बताइन। अरु पार्टीले हल्ला मात्र गर्ने तर आफूहरुले भने काम गर्ने उनको भनाइ छ । पार्टी अध्यक्ष प्रचण्डको नेतृत्वमा सरकारले भ्रष्टाचार नियन्त्रण र सुशासनमा मात्र नभई बिग्रेको अर्थतन्त्र सुधार्न समेत सफल भएकोले जनतामा नयाँ आशा पलाएको उनले उल्लेख गरेकी छन् । उनले युवाहरुले हल्लाको पछि नलागी स्व- विवेकले पार्टी छान्नुपर्नेमा जोड दिंदै माओवादी केन्द्रको बिकल्पमा नेपालमा कुनै क्रान्तिकारी पार्टी नजन्मिएको जिकिर गरिन ।

    कार्यक्रममा वाइसिएल नेताहरु दिपेश लामिछाने, सुरेन्द्र सुवाल, लक्ष्मण दुलाल लगायतको उपस्थिति रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...