News Portal

  • प्रधानमन्त्री प्रचण्डले सिंहावलोकन गर्ने, जनताको पक्षमा काम गर्न कसैले रोक्न नसक्ने उद्घोष

    बाबुराम दाहालभक्तपुर, २५ मंसिर २०८०
    २४० पटक
    press centre perisdadaभक्तपुर, २५ मंसिर २०८०

    प्रधानमन्त्री पुष्पकमल दाहाल ‘प्रचण्ड’ ले आफ्नो एक वर्षे कार्यकालको सिंहावलोकन गर्ने भएका छन् । उनले गरिएका कामको सिंहालोकन गर्दै सरकार संचालनका नयाँ रणनीति र कार्ययोजना अघि बढाउने भएका हुन् ।

    सोमबार प्रेस सेन्टर नेपालको केन्द्रीय पदाधिकारी बैठकलाई सम्बोधन गर्दै प्रधानमन्त्री प्रचण्डले १ वर्षको समीक्षा गरेर अर्को वर्षलाई थप उपलब्धीपूर्ण बनाउने बताए । आफूलाई घेराबन्दी भैरहेको भन्दै उनले जनताको पक्षमा काम गर्न आफूलाई कसैले रोक्न नसक्ने समेत उद्घोष गरे ।

    उनले गठबन्धन पूरै समय जाने जिकिर पनि गरेका छन् । यसलाई तोड्न खोज्नेहरुको खेल सफल नहुने उनले स्पष्ट पारे । ‘अहिले गठबन्धन तोड्ने र सरकार ढाल्ने भनेर रातदिन एकथरीको खेल कसरत भइ नै रहेको छ । तर, त्यसबाट केही हुनेवाला छैन ।” उनले भने ।

    प्रधानमन्त्री प्रचन्डले शान्ति प्रक्रियाका बाँकी काम टुङ्ग्याउला भन्ने चिन्ताले सरकारमाथि अनावश्यक दबाब आइरहेको खुलासा गरेका छन् । त्यस्तै एनसेलको शेयर खरिद–बिक्री प्रकरणलाई सरकारसंग जोडेर प्रचार गरेको प्रति पनि उनले आपत्ति प्रकट गरे । नागरिकलाई सही र तथ्यपूर्ण सूचना दिनुपर्ने दायित्व पत्रकारको भएको उनको भनाइ छ ।

    भ्रष्टाचार नियन्त्रण र सुशासनका लागि सरकारको कदमले प्रतिक्रियाबादीहरु आत्तिएका र सरकार बिरुद्ध झुटो प्रचारमा उत्रिएका उल्लेख गर्दै प्रधानमन्त्री प्रचण्डले पत्रकारले गलत समाचारको भण्डाफोर र सत्य लाई स्थापित गर्नुपर्ने बताएका छन् । नेकपा (माओवादी केन्द्र) का अध्यक्ष समेत रहेका प्रधानमन्त्री प्रचण्डले प्रतिक्रियाबादीहरुको भ्रामक प्रचारलाई निस्तेज गरी जनतालाई सही सूचना दिने अभिभारा विशेषगरी प्रेस सेन्टरको काधमा आइपरेको उल्लेख गरेका छन् । ” जनयुद्धमा जनमुक्ति सेनाले बिचार र क्रान्तिको रक्षा गरेको थियो, अहिले पत्रकारले त्यो मोर्चा सम्हाल्नुपर्छ ।” उनले निर्देशन दिए ।

    उक्त अवसरमा नेकपा(माओवादी केन्द्र)का प्रवक्तासमेत रहेका उपाध्यक्ष अग्नि सापकोटाले सरकारले रोजगारी सृजना र उत्पादन वृद्धिमा विशेष योजना ल्याउनुपर्ने आवश्यकता औल्याए । कोही पनि रोजगारीमा नरहेका परिवारको कम्तिमा एकजनालाई रोजगारी र उत्पादनमा जोड्न सरकारले योजना ल्याउनुपर्ने उनको सुझाव रहेको छ । प्रवक्ता सापकोटाले ह्दय देखि इमान्दार भएर सरकारले अहिले गरिरहेको कामलाई जनताले स्यावास दिइरहेको दावी गरे । ‘जनतासंग हाम्रो ह्दय जोडिएको छ, राष्ट्र निर्माणमा हाम्रो इमान्दार प्रयास उहाँहरुले देखिरहनु भएको छ ।” उनले भने ।

    बैठकमा प्रेस सेन्टरका संस्थापक एवं सह इन्चार्ज महेश्वर दाहालले सेन्टरमा आवद्ध पत्रकारले देश हाक्न सक्ने दावी गरे । प्रेस सेन्टरको इतिहास स्मरण गर्दै उनले पार्टी र देश नै हाक्न सक्ने गरी नेतृत्व बिकास गर्दै जानुपर्नेमा जोड दिएका छन् ।

    अध्यक्ष विष्णु सापकोटा जुगलको अध्यक्षतामा बसेको पदाधिकारी बैठक १३ बुंदे घोषणा पत्र जारी गर्दै सम्पन्न भएको उपाध्यक्ष निर्मल ज्ञवालीले जनाएका छन् । बैठकले बिधान सम्मेलन गर्ने समेत निर्णय गरेको बताइएको छ ।

    प्रतिकृया दिनुहोस्

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...

    महाजात्राले कमायो २६ करोड ६५ लाख

    mahajatra safalta ghimire

    काठमाडौँ । ‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको तेस्रो भाग ‘महाजात्रा’ प्रदर्शनको...

    क्यानडामा विदेशी विद्यार्थीलाई घर जग्गा किन्न प्रतिबन्ध

    विदेशीलाई क्यानडामा २ वर्षसम्म जग्गा किन्न प्रतिबन्ध लगाइएको छ । समाचार अनुसार यसअघि जनवरी १,...

    आज पनि भिटामिन ‘ए’ खुवाइँदै

    के तपाईले आफ्नो ५ वर्ष मुनिका बच्चालाई ‘भिटामिन ए’ क्याप्सुल ख्वाउनुभयो ? ६ महिनादेखि ५...