News Portal

  • गृहमन्त्रीको रोजाईमा भक्तपुरका भोला, गोरखामा सिडिओको जिम्मेवारी

    भक्तपुर पोष्ट संवाददाता भक्तपुर, ३० मंसिर २०८०
    १२०३ पटक
    bhola dahalभक्तपुर, ३० मंसिर २०८०

    भक्तपुरको चाँगुनारायण ३ गेलाल गाउँका भोला दाहालले गोरखा जिल्लाको प्रमुख जिल्ला अधिकारीको जिम्मेवारी पाएका छन् । सहसचिव दाहाल उपप्रधान एवं गृहमन्त्री नारायणकाजी श्रेष्ठको गृह जिल्ला गोरखामा प्रमुख जिल्ला अधिकारीको जिम्मेवारी पाउन सफल भएका हुन् ।

    उपप्रधान एवं गृहमन्त्री नारायणकाजी श्रेष्ठको रोजाईमा उनलाई गोरखा लगिएको श्रोतले जनाएको छ । अख्तियार दुरुपयोग अनुसन्धान आयोगमा प्रवक्ता रहेका उनी यसै महिना गृह मन्त्रालयमा सरुवा भएका थिए । गृहमा अनुभव भएका सहसचिव छोडेर गृहमन्त्री श्रेष्ठले दाहाललाई गोरखाका लागि छानेका हुन् । उनको प्रशासनिक क्षमता, स्पष्टता, कामप्रतिको लगाव र इमान्दारीका कारण उपप्रधान एवं गृहमन्त्री श्रेष्ठ उनीबाट प्रभावित रहेका बताइएको छ ।

    मुखिया-खरिदार-नासु-शाखा अधिकृत-उपसचिव हुँदै सहसचिव सम्म ६ वटै पदमा खुला प्रतिस्पर्धामा नाम निकालेका भोला एक काविल प्रशासक मानिन्छन । आफ्नो धरातल कसैले पनि बिर्सनु नहुने बताउने भोलाले आफ्नो नामको पछि ‘धरातल’ थपेर भोला धरातलको परिचय बनाएका छन् ।

    गृह प्रशासनमा प्रमुख जिल्ला अधिकारीको रुपमा सेवा गर्ने अवसर प्राप्त हुँदा उत्साहित रहेको दाहालले भक्तपुर पोष्टसंग प्रतिक्रिया दिएका छन् । गोरखा जिल्ला नै भनेर नखोजेको स्पष्ट पार्दै उनले मन्त्रालयले गोरखामा जिम्मेवारी दिएकोमा उत्साहित नै रहेको बताए । गोरखाको शान्ति सुरक्षालाई अर्जुन दृष्टि बनाएर काम गर्ने बताउदै उनले आफूलाई सबैको साथ् र सहयोग रहने विश्वास व्यक्त गरेका छन् ।

    गृह मन्त्रालयले मातहतका २५ अधिकारीहरूको सरुवा एवम् पदस्थापन गर्दा दाहाललाई गोरखाको प्रमुख जिल्ला अधिकारीको जिम्मेवारी परेको हो । सरुवा तथा पदस्थापन भएका २५ मध्ये पाँचजना गृह मन्त्रालयमा सहसचिवका रूपमा सरुवा तथा पदस्थान भएका छन् भने एकजना कसुरजन्य सम्पत्ति व्यवस्थापन विभागको महानिर्देशकका रूपमा सरुवा भएका छन् । बाँकी सबै प्रमुख जिल्ला अधिकारीको रूपमा सरुवा तथा पदस्थापन भएका गृह मन्त्रालयले जनाएको छ ।

    मन्त्रालयले वरिष्ठ अधिकारीहरूको सेवा अवधिको मापदण्डभित्र रही सरुवा र पदस्थापन गरेको उपप्रधान एवं गृहमन्त्रीका प्रेस सल्लाहकार कमल गिरीले जिकिर गरेका छन् ।

    कस्को जिम्मेवारी कहाँ?, तलको तालिका हेर्नुहोस् ।

    प्रजिअ सरुवा सूची.xlsx123

    प्रतिकृया दिनुहोस्

    सुडालमा शुक्रवार पनि ७ सय एभोकाड़ोको विरुवा वितरण

    चाँगुनारायण सिटी एभोकाड़ो सिटी अभियान अन्तर्गत अभिन्ताहरुले चाँगुनारायण-८ सुडालमा विरुवा वितरण गरेका छन् । शुक्रवार...

    अन्नु श्रेष्ठ मिस भक्तपुर डिभाको ताज पहिरीन सफल, पछिपछि प्रतिक्षा र माला

    miss bhaktapur diva

    मिस भक्तपुर डिभाको ताज पहिरीन अन्नु श्रेष्ठ सफल भएकी छन् । शुक्रवार सम्पन्न प्रतिष्पर्धाको अन्तिम...

    आइतबार उपत्यकाका सबै स्थानीय तहमा बिदा

    bida

    आइतबार उपत्यकाभित्रका सबै स्थानीय तह र स्थानीय तह मातहतका निकायमा सार्वजनिक बिदा हुने भएको छ...

    मिस भक्तपुर डिबाको फाइनल शुक्रवार

    मिस भक्तपुर डिबाको फाइनल शुक्रवार हुने भएको छ । प्रतियोगिताको फाइनल चरणमा ११ प्रतियोगी रहेका...

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...