News Portal

  • संघीयता अनुभूति हुनेगरी काम गर्न बागमती प्रदेशका कर्मचारीलाई निर्देशन

    भक्तपुर पोष्ट संवाददाता धुलिखेल, २७ पुस २०८०
    २४२ पटक
    धुलिखेल, २७ पुस २०८०

    बागमती प्रदेश सरकारका मुख्यमन्त्री शालिकराम जमरकट्टेलले संघीयता अनुभूति हुनेगरी सेवाप्रवाह गर्न कर्मचारीहरुलाई निर्देशन दिएका छन । राष्ट्रिय कर्मचारी संगठन बागमती प्रदेश समितिको प्रशिक्षण कार्यक्रमलाई शुक्रवार धुलिखेलमा सम्बोधन गर्दै उनले सो निर्देशन दिएका हुन ।

    कार्यक्रममा मुख्यमन्त्री जमरकट्टेलले प्रदेश गौरवको आयोजना कार्यान्वयनमा कर्मचारीतन्त्रले तदारुकता नदेखाएको गुनासो समेत गरेका छन । एकात्मक ब्यवस्थामा जागिर खाएका केही उच्च पदस्थ कर्मचारीले अझै पनि संघीयताको मर्म अनुरूप प्रशासनिक नेतृत्व गर्न नसक्दा प्रदेश सरकारले अपेक्षा गरे अनुरूप काम गर्न नसकेको उनको भनाइ छ ।

    साना टुक्रे योजनाले प्रदेशको दीर्घकालीन लक्षमा बाधा पुगेको बताउँदै उनले कर्मचारीहरु साना योजनामै रमाउने र ठूला योजना अलपत्र पर्ने गरेका आरोप लगाए । उनले जनतासंग जोडिएर जनपक्षीय योजनाहरु कार्यान्वयन गर्नुपर्नेमा जोड़ दिँदै प्रदेश सरकारको प्रतिनिधित्व गर्ने कर्मचारीहरुले सेवाग्राहीको सन्तुष्टि लाई पहिलो प्राथमिकतामा राखी सेवा प्रवाह गर्नुपर्ने बताए । संघीयता बलियो भए मात्र पेशागत हक अधिकार सुनिश्चित हुने प्रष्ट पार्दै मुख्यमन्त्री जमरकट्टेलले ट्रेड यूनियन अधिकारको रक्षा एवं प्रवर्द्धन गर्न प्रदेश सरकार प्रतिवद्ध रहेको बताएका छन ।

    कार्यक्रममा बागमती प्रदेश सभाका सदस्य सरल सहयात्री पौडेलले जनताको हित हुन्छ भने कर्मचारीले जोखिम मोलेर भएपनि काम गर्नुपर्ने सुझाव दिएका छन । जागिरे मानसिकता त्यागेर कर्मचारीले आफ्नो सम्पूर्ण सामर्थ्य प्रयोग गरी सार्वजनिक सेवालाई प्रभावकारी पार्नुपर्ने उनको भनाइ छ । नेकपा(माओवादी केन्द्र)का बागमती प्रदेश अध्यक्ष समेत रहेका प्रदेश सभा सदस्य पौडेलले आफ्नो पार्टी र कर्मचारी संगठनको अन्तरसम्बन्ध सुदृढ़ गर्नुपर्ने आवश्यकता समेत औल्याएका छन । प्रत्येक जिल्ला र स्थानीय पार्टीलाई राष्ट्रिय कर्मचारी संगठनमा आवद्ध कर्मचारीको ज्ञान, सीप र क्षमता प्रयोग गर्न निर्देशन दिने समेत उनले बताएका छन ।

    कार्यक्रममा बागमती प्रदेश सरकारका मुख्यमन्त्री शालिकराम जमरकट्टेलका प्रमुख राजनीतिक सल्लाहकार डीपी ढकालले अर्थ राजनीतिका बारेमा कर्मचारीहरुलाई प्रशिक्षण प्रदान गरेका थिए । अर्थ राजनीतिका विश्लेषक ढकालले ‘मार्क्सवादी अर्थशास्त्र. आजको विश्व र समाजवादी अर्थब्यवस्था’बारे सहभागीहरुलाई प्रशिक्षित गर्दै त्यसका लागि कर्मचारीको भूमिकामाथि प्रकाश पारेका थिए ।

    त्यसैगरी पूर्व सचिव डा दामोदर रेग्मीले ‘परिवर्तित सन्दर्भमा सार्वजनिक सेवा प्रवाहका लागि सुशासन र सम्बृद्धिका लागि कर्मचारी ट्रेड युनियनको भूमिका’ विषयमा कार्यपत्र प्रस्तुत गर्दै जनयुद्ध र जनआंदोलनको जगमा उभिएको संघीयतालाई मजबुद बनाउन कर्मचारीहरुले अपनत्व लिनुपर्नेमा जोड़ दिए । कर्मचारीहरुले बिचारमा तठस्थ र नीतिमा प्रतिवद्ध रही सरकारको निर्देशन पालना गर्नुपर्नेमा उनको जोड रहेको छ ।

    कार्यक्रममा राष्ट्रिय कर्मचारी संगठन बागमती प्रदेश समिति र प्रदेश भित्रका १३ जिल्लाका पदाधिकारी सहित करिब १ सयको संख्यामा कर्मचारीहरु प्रशिक्षित भएका प्रदेश अध्यक्ष श्रवण ढुङ्गानाले जनाएको छन । उक्त अवसरमा संगठनका केन्द्रीय अध्यक्ष अम्बादत्त भट्ट, पूर्व अध्यक्ष हरि रावल लगायतको समेत आतिथ्यता रहेको थियो ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...