News Portal

  • सँझ्या: साहित्यमा ३ पुस्ताका कविता

    भक्तपुरपोस्ट संवाददाता भक्तपुर, २० माघ २०८०
    ३४० पटक
     भक्तपुर, २० माघ २०८०

    कला र कविताका लागि सँझ्या: साहित्य भन्ने उद्घोष साथ भक्तपुरमा संचालित सँझ्या साहित्यको माघ महिनाको शृङ्खला शनिबार सम्पन्न भएको छ । नयाँ थिमिस्थित बिन्ज एण्ड बाइट्ज क्याफेमा कविता सुन्दै र सुनाउदै यो महिनाको कार्यक्रम सम्पन्न भएको हो ।

    तीन पुस्ताको सम्मान, कला र कविताको पक्षमा अभियानको नारासहित २०७१ असोज महिनाको ११ गते, शनिवार ( 27th November 2014) देखि सञ्चालन गरिरहेको यो वर्षको सँझ्या साहित्यको पाँचौँ शृङ्खलामा पहिलो पुस्ताको प्रतिनिधित्व गर्दै लुम्बिनी विकास कोषका पूर्व उपाध्यक्ष, पूर्वमन्त्री एवम् अग्रज कवि डा. केशवमान शाक्यले मेरो इतिहासको एउटा कथा, हराउँदै गएको देश, हाट बजार, यो शहरमा र गन्तव्यहीन शिर्षकका पाँच कविता प्रस्तुत गरेका थिए ।

    उमेरको ७२ वसन्त बिताएर पाको बनेका डाक्टर केशवमान शाक्य पेशाले पिएचडी प्राप्त इन्जिनीयर समेत हुन् । शाक्यका २ कवितासङ्ग्रह र एक कथासङ्ग्रह प्रकाशित छन् ।

    त्यस्तै दोस्रो पुस्ताको प्रतिनिधित्व गर्दा डा. टङ्क उप्रेतीले आफ्ना पाँच कविता सुनाए । उनले कविता लेखनका पृष्ठभूमि र प्रसङ्ग सुनाउँदै न्यातापोल, पेन्सिल, फिङ्गर प्रीन्ट, बूकमार्क र अनि शिर्षकमा ५ कविता सुनाएका थिए ।

    उनी २०४४ सालदेखि निरन्तर काव्यिककर्म गरिरहेका छन् । नेपाल टेलिभिजनमा कार्यरत टेलिभिजन पत्रकार समेत रहेका उप्रेतीका ३ कविताकृति प्रकाशित छन् ।

    तेस्रो पुस्ताको प्रतिनिधित्व गर्दै कवि एवम् भाषिक, सामाजिक र लैङ्गिक समानताका अभियानकर्ता रजनी मिलाले एउटा गुलाब, तिमीले आत्महत्या गर्नेछौ ए सरकार, तिमी एक ह्याङर, अब पागल छ यो शहर र मेरो कथा शिर्षकका ५ कविता सुनाएका छन् ।

    पचासको मध्यदशकदेखि निरन्तर कविता लेख्दै आएका मिलाको एक कविता सङ्ग्रह प्रकाशित छ । लामो समय अङ्ग्रेजी भाषा प्राध्यापन गरेका कवि मिलाले लामोसमय रेडियो साहित्यिक पत्रकारिता पनि गरेको अनुभव संगालेका छन् ।                                                                                                                                           आयोजक सँझ्या साहित्य रहेको कार्यक्रमको सह आयोजक चाक्ला फल्चा रहेको र कवि वसन्त नकर्मी, कञ्चन गजमेर, रमी प्रिया, प्रेमिला राई लगायतले कार्यक्रममा आवश्यक सहयोग गरेका सँझ्या साहित्यका संस्थापक अभियन्ता एवं कवि रामगोपाल आशुतोषले जनाएका छन् ।                                                                                                 सँझ्या साहित्यको सञ्चार साझेदारमा भने भक्तपुर पोस्ट डट्कम, ग्रेस एफएम र सारङ्गीन्यूज रहेका छन् ।

    प्रतिकृया दिनुहोस्

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...