भक्तपुरको सल्लाघारीस्थित सैनिक विद्यालयकी प्रशासनिक कर्मचारी सन्तोषी हमाल खड्काको असामयिक निधन भएको छ । आइतबार सडक दुर्घटनामा परी उनको असामयिक निधन भएको हो ।

आइतबार बिहान चक्रपथ स्थित घरबाट विद्यालय तर्फ आउदै गर्दा उनी सवार स्कुटर काठमाडौको तीनकुनेमा दुर्घटना भएको थियो । स्कुटर दुर्घटना हुँदा गम्भीर घाइते सन्तोषीलाई उपचारको लागि मिनभवनस्थित निजामती अस्पताल पुर्याइएको भएपनि सम्बन्धित चिकित्सकले मृत घोषित गरिदिएका थिए । ४५ वर्षको अल्पायुमै ज्यान गुमाएकी सन्तोषीको पार्थिव शरीरलाई पशुपतिको आर्यघाट पुर्याइ साँझ अन्त्येष्टि गरिएको पारिवारिक श्रोतले जनाएको छ ।

सर्लाहीको मुर्तिया सेवा समाजकी संस्थापक सन्तोषी सामाजिक सेवामा समेत सक्रिय रहेकी थिइन् । उनका श्रीमान, १ छोरा र १ छोरी छन् ।