News Portal

  • रफतको १४ औं वार्षिकोत्सव सम्पन्न, ३ पत्रकार र एक चिकित्सक सम्मानित

    भक्तपुर पोष्ट संवाददाता भक्तपुर, २३ माघ २०८०
    ३०२ पटक
    भक्तपुर, २३ माघ २०८०

    भक्तपुरमा संचालित रफत सञ्चार क्लबले १४ औं वार्षिकोत्सव मनाएको छ । मंगलबार क्लब स्थापनाको १४ औं वार्षिकोत्सव मनाइएको हो ।

    वार्षिकोत्सव कार्यक्रमलाई सम्बोधन गर्दै प्रमुख अतिथि रहेका पूर्व उपप्रधान एवं गृहमन्त्री तथा रास्वपाका सभापति रवि लामिछानेले पत्रकारिता दलगत स्वार्थ भन्दा माथि उठ्नुपर्ने बताए । “जनताको पक्षमा सही सूचना प्रवाह गर्ने हो भने पत्रकारिता दलगत भावनाबाट माथि उठ्न सक्नुपर्छ ।” उनले भने ।

    विगतमा आफूले पत्रकारिता गर्दा पनि प्रश्नै–प्रश्नै गरेको र प्रश्नभन्दा माथि आफू कहिल्यै नगएको जिकिर गर्दै उनले आफूले गरेको पत्रकारिताको वकालत गरे । पत्रकारले जनताको दुःख, दर्दलाई सही ढंगबाट उजागर गर्नुपर्नेमा उनले जोड दिएका छन् ।

    आफूले पत्रकारिता गर्दा जनताको पक्षमा भएकाले आम जनताले न्यानो माया प्रदान गरेको दावी गर्दै उनले आफू लाई पत्रकार हुँदा नेतालाई आलोचना गर्ने र आफू नेता हुँदा पत्रकारलाई आलोचना गर्ने आरोप निराधार भएको जिकिर गरे ।“मेरो सार्वजनिक जीवनका सन्दर्भमा बजारमा उठेका हरेक प्रश्न, लाञ्छनाको जवाफदिन तयार छौं“ उनले भने ।

    सो अवसरमा राष्ट्रिय स्वतन्त्र पार्टी संसदीय दलका प्रमुख सचेतक सन्तोष परियारले रास्वपा मिडिया व्याकग्राउन्डबाट उठेको पार्टी भएको भन्दै रास्वपाले जनताको सही मुद्दालाई कहिल्यै नछोड्ने प्रतिबद्धता प्रकट गरेका छन् ।

    त्यस्तै भक्तपुर जिल्लाकी प्रमुख जिल्ला अधिकारी रोशनीकुमारी श्रेष्ठले जनतालाई सुसुचित गर्ने सन्दर्भमा सञ्चारकर्मीहरूको भूमिका महत्वपूर्ण हुने बिचार व्यक्त गरिन् ।

    कार्यक्रममा स्वर्गीय तुलबहादुर थापा एवं रूपा थापा स्मृति पत्रकारिता पुरस्कारबाट गोरखापत्र दैनिकका प्रधान सम्पादक शिवकुमार भट्टराई यसैगरी रफत सञ्चार क्लब क्रियाशील पत्रकारिता पुरस्कारबाट नागरिक दैनिकका पत्रकार कृष्ण किसी र नेपाल टेलिभिजनका दिलिप थापा मगरलाई सम्मान गरिएको क्लबका अध्यक्ष शुशिलबन्धु थापाले बताएका छन् । यस्तै कल्पना स्मृति पुरस्कारबाट कर्णाली प्रदेश, क्षेत्रीय स्वास्थ्य निर्देशनालयका निर्देशक एवं वरिष्ठ रेडियोलजिस्ट डा. रविन खड्कालाई पनि सम्मान गरिएको उनले जानकारी गराए ।

    स्वर्गीय तुलबहादुर थापा एवं रूपा थापा स्मृति पत्रकारिता पुरस्कार तथा कल्पना स्मृति प्रतिष्ठानका संरक्षक प्रेमबहादुर थापाले देश र जनाताको पक्षमा काम गर्दै आएका व्यक्तित्वलाई सम्मानित गर्न पाउँदा सन्तोष मिलेको र यसलाई निरन्तरता दिइने बताएका छन् ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...