News Portal

  • भान्सामा महंगीको मार पर्न नदिन पहल, सस्तियो मूल्य

    भक्तपुर पोष्ट संवाददाता भक्तपुर, १७ फागुन २०८०
    १२४ पटक
    भक्तपुर, १७ फागुन २०८०

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको हो ।

    ५ महिना अघि प्रतिकेजी १ हजार ३ सय रुपियाँ पर्ने जिरा किलोमा ५ सय रुपियाँ घटेर ८ सय रुपियाँ प्रतिकेजीमा कारोबार हुन थालेको नेपाल खुद्रा व्यापार सङ्घले जनाएको छ । जिराको धुलो अहिले प्रतिकेजीमा ४ सय रुपियाँ घटेर १ हजारमा कारोबार भएको समेत सङ्घले जनाएको छ ।

    दैनिक प्रयोग हुने चिनीको मूल्य पनि १० रुपियाँले घटेको छ ।

    यो अवधिमा मुसुरो, मुङ दाल, काँचो तोरीको तेललगायत वस्तुको मूल्य पनि घटेको छ । सङ्घका अनुसार मुसुरो हाल प्रतिकेजी १ सय ६५ रुपियाँ भएको छ । यस्तै मुङको दाल प्रति केजी १ सय ६० रुपियाँ र काँचो तोरीको प्रतिलिटर ३ सय रुपियाँमा कारोबार भएको छ ।

    यस्तै कालो भटमासको पनि मूल्य घटेको छ । ज्वानोको मूल्य प्रतिकेजी ५० घटेर ४ सय ५० रुपियाँ कायम भएको छ । गत कात्तिकमा २ सय ६० रुपियाँ प्रतिकेजी कारोबार भएको काँचो बदामको मूल्य २ सय ५० रुपियाँ प्रतिकेजीमा झरेको सङ्घले जनाएको छ ।

    यसैबीच, भारतबाट पेट्रोलियम पदार्थको मूल्य बढेर आएको भएपनि नेपालमा मूल्य नबढ्ने आयल निगमले बताएको छ ।

    एलपी ग्यासको मूल्य प्रति सिलिन्डर २१.६६ रुपैयाँ बढेर आएको छ। तर निगमले मूल्य नबढाउने बताइएको छ । योसँगै प्रतिसिलिन्डरमा निगमको नोक्सानी ३ सय २५ रुपैया ०९ पैसा पुगेको छ ।

    भान्सामा महंगीको मार पर्न नदिन पछिल्लो समय सरकारले विशेष पहल गरिरहेको छ ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...