News Portal

  • अस्पतालमा रुद्री !

    भक्तपुर पोष्ट संवाददाता भक्तपुर, १८ फागुन २०८०
    ८८८ पटक
    भक्तपुर, १८ फागुन २०८०

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको अस्पतालको रुपमा संचालित भक्तपुर अस्पतालमा भगवान शिवको सर्वोच्च पूजा मानिने रुद्री पूजा सम्पन्न भएको हो । बिरामीले भगवान मान्ने डाक्टरहरुले नै भगवान गुहार्दा मानिसहरु चाख मानेर हेरिरहेका देखिन्थे ।

    अस्पतालकी प्रमुख रहेकी कार्यकारी निर्देशक डा सुमित्रा गौतमले अस्पतालमा रुद्री पूजा गरिएको पुष्टि गरिन् । उनले सकारात्मक उर्जाको लागि रुद्री पूजा गरिएको जिकिर गरेकी छन् । विज्ञान पढ्दैमा मानिस नास्तिक नहुने बताउदै डा गौतमले नयाँ भवनमा रुद्री पूजा लगाउने परम्परा अनुरुप रुद्राभिषेक गरिएको बताएकी छन् ।

    बिरामीको जीवन बचाउने कर्म गर्न बनेको अस्पताल भवन चीरस्थायी, लाभदायी अनि कार्य सिद्धि प्रदायक होस् र भवनमा नकारात्मक तरंग नहोस् भन्ने उदेश्यले रुद्री पूजा गरिएको डा गौतमले जानकारी गराएकी छन् । पूजालाई रुढीवादसंग मात्र जोडेर हेर्न नहुने डा गौतमको जिकिर छ ।

    संहारकर्ताको रुपमा भगवान शिवको रुद्र रुप भयानक मानिन्छ । रुद्रीपूजा गर्नाले भगवान शिव प्रसन्न हुने र उनको कृपा प्राप्त भैरहने धार्मिक बिश्वास रही आएको अस्पताल बिकास समितिका अध्यक्ष रमण कायस्थ बताउछन । अस्पतालका सम्पूर्ण चिकित्सक र कर्मचारीको इच्छा अनुसार नयाँ भवनमा रुद्री पूजन गरिएको अध्यक्ष कायस्थले जनाएका छन् ।

    अस्पतालको नयाँ भवन युके एआइडीको आर्थिक सहयोगमा करिब ३७ करोडको लागतमा निर्माण सम्पन्न भएको हो । नयाँ भवन बनेसंगै अस्पतालले शुक्रवार नै सोही भवनबाट शल्यक्रिया सम्पन्न गरी प्रसुती सेवा समेत शुरु गरेको छ । प्रशासनिक नेतृत्वमा डा गौतम रहँदा निर्माण शुरु गरिएको नयाँ भवन डा गौतमको तेस्रो कार्यकालमा निर्माण सम्पन्न भएको हो । यसको औपचारिक उद्घाटन कार्यक्रम भने गरिएको छैन ।

    विक्रम सम्बत १९६१मा चन्द्रलोक डिस्पेन्सरीका नामबाट शुरु भएको पुरानो इतिहास बोकेको भक्तपुर अस्पताल वीर अस्पताल पछिको दोश्रो पुरानो अस्पताल हो । हाल वागमती प्रदेश सरकार मातहत रहेको यो अस्पतालमा दैनिक १ हजारको हाराहारीमा सेवाग्राही आउने गरेका छन् । भक्तपुर अस्पताल प्रदेशकै सर्वोत्कृष्ट अस्पतालको रुपमा रहेको छ भने प्रदेश सरकारका मुख्य मन्त्री शालिकराम जमकट्टेलले यसलाई ३ सय शैयामा बिस्तार गर्ने घोषणा समेत गरिसकेका छन् ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...