काभ्रेमा सवारी दुर्घटनामा परी भक्तपुरका एकजनाको ज्यान गएको छ । ज्यान गुमाउनेमा मध्यपुर थिमी नगरपालिका-३ का प्रह्लाद थापामगर रहेका छन् ।

बिहीबार दिउँसो करिब साढे १ बजेको समयमा पनौती बाट बनेपा तर्फ आउदै गेरको बा.८४ प.६८२३ नम्बरको स्कुटरले बनेपाबाट पनौती तर्फ जादै गरेको बा. ३२ प. ७०३८ नम्वरको मो.सा. लाई ठक्कर दिदा मोटरसाइकलमा पछाडि सवार रहेका ५७ वर्षीय थापामगर गम्भीर घाइते भएका थिए । उनको काठमाडौस्थित अन्नपूर्ण न्युरो अस्पतालमा उपचारको क्रम्मा शुक्रवार ज्यान गएको पारिवारिक श्रोतले जानकारी गराएको काभ्रे प्रहरीका डिएसपी राजकुमार श्रेष्ठले पुष्टि  गरेका छन् ।

मोटरसाइकल चालक झापा कन्चन कवल गा.पा.६ बस्ने बर्ष ३५ को नरेन्द्र कुमार राजवंसी र स्कुटर चालक काभ्रे बनेपा न.पा. ८ बस्ने बर्ष ५७ को सुर्य कुमार रन्जितकारको उपचार भैरहेको प्रहरीको भनाइ छ ।