News Portal

  • बागमती प्रदेशको महिला चालक उत्पादन कार्यक्रम भक्तपुरबाट शुरु

    भक्तपुर पोष्ट संवाददाता भक्तपुर, २९ चैैत २०८०
    ५१३ पटक
    भक्तपुर, २९ चैैत २०८०

    बागमती प्रदेशमा महिला लक्षित रोजगार कार्यक्रम अन्तर्गत महिला सवारीचालक उत्पादन प्रक्रिया शुरु गरिएको छ । बिहीवारबाट सो कार्यक्रम शुरु भएको हो ।

    भक्तपुरको राधेराधेस्थित बुढाथोकी ड्राइभिङ सेन्टरमा आयोजित एक औपचारिक समारोहमार्फत प्रदेश सरकारका श्रम रोजगार तथा यातायात मन्त्री लक्ष्मण लम्सालले महिला चालक उत्पादन कार्यक्रमको शुभारम्भ गरेका छन् । सहभागी महिलालाई सम्झौता पत्र प्रदान गर्दै उनले कार्यक्रम शुभारम्भ भएको घोषणा गरेका हुन् ।

    प्रदेशका १३ जिल्लाका १ सय महिलालाई आजबाट सवारीचालक तालिम दिन शुरु गरिएको उनले जानकारी गराएका छन् । सहभागी महिलाले चालक अनुमतिपत्र नलिएसम्म नि:शुल्क तालिमको व्यवस्था गरिएको मन्त्री लम्सालले बताए ।

    सवारी चालक महिलाको संख्या कम रहेको र यसमा पेशागत रोजगारीको सम्भावना बढी भएकोले तालिमको व्यवस्था गरिएको उनले बताए । महिलालाई रोजगारका साथै स्वरोजगार बनाउन तालिमले मद्दत गर्ने उनले बिश्वास व्यक्त गरेका छन् । आगामी वर्षदेखि प्रदेशका १ हजार महिलालाई तालिम दिइने पनि उनले प्रतिवद्धता प्रकट गरे ।

    कार्यक्रममा बागमती प्रदेश सरकारको श्रम, रोजगार तथा यातायात व्यवस्था मन्त्रालयका सचिव बलराम निरौलाले सवारी चालक तालिमका लागि यस वर्ष १८ लाख रुपैयाँ बजेट विनियोजन भएको जानकारी गराए । नेपालको श्रम बजारमा करिब ९० प्रतिसत अदक्ष र १० प्रतिसत अर्ध दक्ष जनशक्ति रहेको र त्यसमा पनि केही प्रतिसत मात्र दक्ष रहेका खुलासा गर्दै सचिव निरौलाले सीप सिकाएर दक्ष जनशक्ति उत्पादन गर्नुपर्नेमा जोड दिए ।

    राधेराधेस्थीय यातायात व्यवस्था कार्यालयका प्रमुख डण्ड बस्नेतका अनुसार भक्तपुर,काभ्रे,सिन्धुपाल्चोकबाट छनौट भएका ४० जना महिला प्रशिक्षार्थीलाई भक्तपुरको राधेराधेस्थित बुढाथोकी ड्राइभिङ्ग सेन्टरमा प्रशिक्षण व्यवस्था मिलाइएको छ । प्रति प्रशिक्षार्थी रु १५ हजारका दरले बुढाथोकीले पाउने र त्यसका लागि प्रशिक्षार्थीले चालक अनुपती पत्र प्राप्त नगरुन्जेल सिकाउन पर्ने सर्त रहेको कार्यालय प्रमुख बस्नेतले बताए ।

    अन्य जिल्लाका प्रशिक्षार्थीलाई भने उनीहरुको पायक पर्नेगरी तालिम केन्द्र तोकिएको मन्त्रालयले जनाएको छ । उक्त तालिमका लागि स्थानीय तहहरु लाई पत्राचार गरिएको र सोका आधारमा प्रशिक्षार्थी छनौट भएका बताइएको छ । कार्यक्रममा भक्तपुरबाट दुई स्थानीय तहका प्रशिक्षार्थी मात्र सहभागि देखिएका छन ।

    प्रतिकृया दिनुहोस्

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...