News Portal

  • शासक दलहरु मन्त्री पदकै निम्ति हानाथाप गरिरहेका छन् : गोसाई

    भक्तपुर पोष्ट संवाददाता भक्तपुर, २९ चैैत २०८०
    ७४८ पटक
    भक्तपुर, २९ चैैत २०८०

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु जस्तो सुकै दुर्दशा भोगेपनि अन्ततः मन्त्री र पदकै निम्ति हानाथाप गरिरहेका आरोप लगाएका छन् । उनीहरुमा कहिल्यै चेत नआउने र जनताप्रति उत्तरदायी नरहेका सांसद गोसाईले आरोप लगाएका हुन् ।

    नेपाल क्रान्तिकारी शिक्षक संघ भक्तपुर जिल्ला समितिले ४५औं शिक्षक दिवसका अवसरमा आयोजना गरेको प्रवचन कार्यक्रम लाई बिहीवार सम्बोधन गर्दै प्रदेश सांसद गोसाईले अपराधलाई राजनीतिकरण र राजनीतिलाई अपराधीकरण गरिरहेका शासक दलहरुले भ्रष्टाचार र आर्थिक अनियमिततालाई निरन्तरता दिइरहेको जिकिर गरे । इज्जत, प्रतिष्ठा, नैतिकता, सिद्धान्त र विचारको संकट ल्याएकै कारण शासक दलहरुबाट देशले आश गर्न नसक्ने उनको दावी छ ।

    उक्त अवसरमा सांसद गोसाईले समुदायले बुझ्ने गरी, समाजले अनुभव गर्ने गरी शिक्षकहरुले सहभागीतामूलक र अन्तरक्रियात्मक छलफल कार्यक्रमहरु ल्याउनुपर्नेमा पनि जोड दिएका छन् । उनले विद्यार्थीहरु कक्षा १२ पछि विदेश जानुमा शासक दल, अभिभावक र शिक्षकहरुको पनि कमजोरी रहेको भन्दै उनीहरुलाई देशमै रहने वातावरण बनाउनुपर्ने आवश्यकता औल्याए । अंकको जोड घटाउतिर लागे जो सुकैले दुःख पाउने बताउँदै सांसद गोसाईले शिक्षकहरुले शिक्षालाई व्यवहारिक र विद्यार्थी मैत्री बनाउदै सभ्य र सम्मुन्नत समाज निर्माणका लागि अग्रसर हुनुपर्नेमा जोड दिए ।

    नेपाल क्रान्तिकारी शिक्षक संघका केन्द्रीय सहसचिव जगन्नाथ सुजखुले शिक्षक संघर्ष र आन्दोलनबाट हासिल गरेका उपलब्धिको स्मरण गर्दै शिक्षा क्षेत्रमा राम्रा र सक्षम शिक्षकको आवश्यकता रहेको चर्चा गरे । उनले बाल विकास सहयोगीहरुलाई शिक्षकको दर्जा दिनुपर्नेमा जोड दिँदै विषय र तहअनुसारको जनशक्ति पु¥याए मात्रै शैक्षिक संस्था राम्रो बन्ने बताए ।

    जोरपाटी माविका प्रधानाध्यापक हरिप्रसाद ढकालले व्यंग्यात्मक कविता प्रस्तुत गर्दै बेथितिबारे व्यंग्य गरे । उक्त कार्यक्रममा अर्का केन्द्रीय सदस्य अम्बिका न्याइच्याईले वि.सं २०२८ सालको शिक्षा ऐनलाई टेकेर काम गरिरहेका शिक्षकहरुलाई शिक्षा विधेयक २०८० ले अप्ठ्यारो पारेको बताइन ।

    आयोजक समितिका अध्यक्ष गणेश राम थुसाले शिक्षक संघर्षमा अग्रजहरुको योगदानलाई कदर गर्दै शिक्षकको सीप र साधनलाई देश र जनताको हितमा सही सदुपयोग गर्नुपर्नेमा जोड दिए । कार्यक्रममा राजन लाखा, घनश्याम खड्कालगायतले शिक्षक दिवसको महत्व माथि प्रकाश पारे ।

    उक्त अवसरमा शिक्षकका हकहितका अलावा शिक्षा विधेयकभित्र रहेका कमी कमजोरीहरुलाई औल्याइनुका साथै एसइई परीक्षालाई निरन्तरता दिनुपर्ने माग समेत गरिएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...