News Portal

  • सडकमा उत्रियो गठ्ठाघरको नवदुर्गा महिला समुह

    भक्तपुरपोस्ट संवाददाताभक्तपुर, ३० चैत २०८०
    २०० पटक
    भक्तपुर, ३० चैत २०८०

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै रुपमा अघि बढिरहेको छ । यसैक्रममा महिला समुह समेत सरसफाइमा जोडिएका छन् ।

    पहिलो पटक नवदुर्गा महिला समुहले गठ्ठाघर चोक सरसफाईको जिम्मा लिएको छ । घर संगै चोक सफा राख्न पर्ने आवश्यकता औल्याउँदै नवदुर्गा महिला समुहले सबै महिलालाई गठ्ठाघर चोक सफाइमा साथ दिन अपिल गरेको छ । जिल्लाका सबै महिला समुहलाई समेत आ-आफ्नो सार्वजनिक स्थलको सफाइमा जुट्न नवदुर्गा महिला समुहका सदस्यहरुले आग्रह गरेका छन् ।

    नयाँ बर्ष २०८१ साल तथा बिस्का जात्राको उपलक्ष्यमा मध्यपुर थिमी-३ गठ्ठाघरस्थित नवदुर्गा महिला समुह पहिलोपटक सफाइ अभियानमा जुटेको हो । राष्ट्रको लागि दुई घण्टा अभियान र नेपाल फुलबारीको सहकार्यमा बृहत गठ्ठाघर चोक सफाइ भएको छ । अरनिको राजमार्ग सडकको दायाँबायाँ बस स्टप वरपर सरसफाई कार्यक्रम सफलतापूर्वक सम्पन्न भए संगै यसलाई निरन्तरता दिने निर्णय समुहले जनाएको छ ।

    स्वस्थ जीवन र सभ्य समाजका लागि सरसफाइको महत्व रहेको उल्लेख गर्दै  नवदुर्गा महिला समुहकी अध्यक्ष सुनिता न्यौपानेले गठ्ठाघरको सार्वजनिक स्थल सफाइमा आफूहरुको समुह निरन्तर लाग्ने प्रतिवद्धता प्रकट गरिन । राष्ट्रको लागि दुई घण्टा अभियान र नेपाल फुलबारीले सफाइका लागि प्रेरित गर्नुका साथै सहकार्य समेत गरेकामा उनले आभार प्रकट गरेकी छन् ।

    राष्ट्रको लागि दुई घण्टा अभियानका अध्यक्ष मधु ढुङ्गेलले स्थानीय क्षेत्रको सफाइमा स्थानीयहरु नै  जागरुक हुनु सुखद पक्ष भएको बताए । यसले सफाइमा प्रभावकारीता र दीर्घकालीन हुने उनको दावी छ । नेपाल फुलबारीका केदार घिमिरेले हरेक सफाइ अभियानमा आफूहरुले सहकार्य गर्दै अघि बढ्ने बताएका छन् ।

    भक्तपुर स्वच्छ, सफा र हराभरा बनाउन सबैको सामुहिक प्रयासले मात्र सम्भव हुने बताउदै राष्ट्रको लागि दुई घण्टा अभियानका उपाध्यक्ष एवं समाजसेवी नरेश रन्जितले समुहमा बल हुने भएकोले सरसफाइमा सबैको हातेमालो हुनुपर्नेमा जोड दिए ।

    मन सफा हुनेहरुले मात्र सार्वजनिक स्थल सफा गर्ने सामर्थ्य राख्ने जिकिर गर्दै रन्जितले भने-” आफ्नो घर त सबैले सफा गर्छन्, आफ्नो चोक सफा गर्न सक्ने मानिस सामाजिक हो र अरुको फोहोर सफा गर्न सक्ने मानिस समाजसेवी । उनले हरेक ब्यक्ति समाज र देशप्रति जवाफदेही हुनुपर्नेमा जोड दिदै ‘राष्ट्रको लागि दुई घण्टा अभियान’ शुरु भएको समेत जानकारी गराएका छन् ।

    राष्ट्रको लागि दुई घण्टा अभियानले हरेक शनिबार २ घण्टा सरसफाइ, बृक्षारोपण र जनजेतनामूलक कार्यक्रम गर्दै  आएको छ । अभियानमा हजारौं अभियन्ता र सयौं सामाजिक संघ संस्था जोडिएर स्वयंसेवी भावनाले सफाइ गतिविधि अघि बढेको छ । स्थानीय चोक, गल्ली मात्र नभई अरनिको राजमार्ग सफाइ, बृक्षारोपण र शहर सौन्दर्यकरणमा पनि अभियानले काम गरिरहेको देखिन्छ ।

    प्रतिकृया दिनुहोस्

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...