News Portal

  • पत्रकार थापालाई पितृशोक

    भक्तपुर पोष्ट संवाददाता भक्तपुर, ७ बैशाख २०८१
    ५११ पटक
    भक्तपुर, ७ बैशाख २०८१

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको छ । उनका पिता कृष्णबहादुर थापाको निधन भएको हो ।

    ७३ वर्षको उमेरमा बुधवार राति उनको देहान्त भएको पारिवारिक श्रोतले जानकारी गराएको छ । लामो समयदेखि दम, मुटु र मिर्गौला रोगले ग्रसित उनको उपचारकै क्रममा भक्तपुर अस्पतालमा निधन भएको थियो ।

    उनको श्रीमती, १ छोरा र १ छोरी छन् ।

    सूर्यविनायक नगरपालिका वडा नम्बर ७ गुन्डुको किवाचोक निवासी थापा पूर्व मन्त्री एवं नेकपा(एमाले)का पोलिटब्युरो सदस्य महेश बस्नेतको राजनीतिका प्रारम्भिक दिनहरुमा राजनीतिक गुरु तथा सहयोगी समेत हुन् । उतिबेलाका कम स्नातक मध्येका एक थापा शिक्षक पनि थिए । तत्पश्चात सल्लाघारीमा व्यवसाय संचालन गरेर बसेका थापा स्वास्थ्यमा समस्या भएपछि पछिल्ला केहि वर्षदेखि स्वास्थ्य लाभका लागि आराम गरिरहेका थिए ।

    सरल र मिजासिको व्यक्तित्वका धनी थापा आफू बिरामी रहँदा समेत राजनीति बिग्रेको देख्दा बिरक्त देखिन्थे । अस्थिर राजनीति र जनताको नेताप्रति टुट्दै गएको बिश्वासले उनलाई बिरक्त बनाएको थियो । राजनीतिमा जादू होस् अनि देश चाडै सम्पन्न र देशबासी सुखी हुन् भन्ने उनको सपना रहेको थियो । यस्तै सपना देख्दा देख्दै अन्तत: उनी अब कहिल्यै सपना नदेख्नेगरी बुधवारबाट सधैका लागि चीर निन्द्रामा बिलिन बन्न पुगे ।

    पूर्व उपाध्यक्ष कविता थापाको पूजनीय पिताको निधनप्रति नेपाल पत्रकार महासंघ भक्तपुरले दु:ख व्यक्त गरेको छ । महासंघले स्वर्गीय थापाप्रति श्रद्धान्जली अर्पण गर्दै पूर्व उपाध्यक्ष थापा लगायत शोक संतप्त परिवारमा गहिरो समवेदना प्रकट गरेको अध्यक्ष जगत कृष्ण प्रजापतिले जनाएका छन् ।

    प्रतिकृया दिनुहोस्

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...