भक्तपुरपोस्ट संवाददाताचाँगुनारायण, ८ बैशाख २०८१
चाँगुनारायण, ८ बैशाख २०८१भक्तपुरका सफल व्यवसायी, युवा समाजसेवी, स्वतन्त्र अभियन्ता एवं खेलाडी श्रीभक्त कासिछ्वालाई मातृशोक परेको छ । उनको ममतामयी माता लक्ष्मीमाया कासिछ्वाको निधन भएको हो ।
९३ वर्षको उमेरमा लक्ष्मीमायाको शनिवार साँझ निधन भएको पारिवारिक श्रोतले पुष्टि गरेको छ । चाँगुनारायण-५ छालिङ्गस्थित आफ्नै निजी निवासमा उनको निधन भएको हो । सामान्य निमोनिया भएपनि उनमा कुनै जटिल दीर्घ रोगको समस्या भने नरहेको बताइएको छ ।
उनको पार्थिव शरीरलाई अन्त्येस्टिका लागि अहिले राति १० बजे ब्रह्मायणीस्थित घाटमा पुर्याइएको पारिवारिक श्रोतले जानकारी गराएको छ । दिवंगत लक्ष्मीमायाका ३ छोरा र ३ छोरी छन् ।