News Portal

  • भक्तपुर निवासी पौडेल ३८ वर्षमै सहसचिव सिफारिस

    भक्तपुर पोष्ट संवाददाता भक्तपुर, ४ जेठ २०८१
    ३४३ पटक
    krishna paudel CDOभक्तपुर, ४ जेठ २०८१

    बिराटनगर स्थायी ठेगाना भई भक्तपुरको मध्यपुर थिमी-३ निवासी गृह मन्त्रालयका उपसचिव कृष्ण पौडेल निजामती सेवाको राजपत्राङ्कित प्रथम श्रेणी(सहसचिव) मा सिफारिस हुन सफल भएका छन् । लोकसेवा आयोगको खुला प्रतिस्पर्धामा सबै चरण पार गर्दै उनी प्रशासन सेवातर्फ सहसचिवमा सिफारिस हुन सफल भएका हुन् ।

    लोकसेवाको उच्च पद मानिने सहसचिवका प्रतियोगीलाई पछि पार्दै उनले लिखित परीक्षा उतीर्ण गरेका थिए । गत पुसमा संचालित लिखित परीक्षाको परीक्षाफल बैशाख १३ गते आएको थियो । सहसचिवका लागि २ जना आवश्यक रहेकामा लोकसेवाले ४ जनाको नाम प्रकाशन गरेको थियो ।

    लिखितको नतिजापछि दोश्रो चरणमा बैशाख ३० गते मामिला प्रस्तुतीकरण र जेठ १ मा अन्तर्वाता लिंदा तीनै चरणको प्राप्ताङ्कका आधारमा लोकसेवाले आज शुक्रवार अन्तिम नतिजा प्रकाशन गरेको हो ।

    लोकसेवाले पहिलो नम्बरमा भने चन्द्रागिरी काठमाडौंकी कृष्णाकुमारी श्रेष्ठलाई सिफारिस गरेको छ ।

    कृष्ण पौडेल यस अघि उपसचिवमा समेत खुला प्रतियोगिताबाटै प्रवेश गरेका थिए । ३० वर्षमै उपसचिव बन्न सफल पौडेललाई ३२ वर्षको उमेरमा गृह मन्त्रालयले रसुवा जिल्लाको प्रमुख जिल्ला अधिकारीको जिम्मा दिएको थियो । सिडिओको जिम्मेवारी पाउने उनी सम्भवत: उमेरले सबैभन्दा कान्छो हुन् । रसुवामा सफल सिडिओ पौडेलले रसुवा पछि ओखलढुंगा, तेह्रथुम लगायत जिल्लामा समेत सफलतापूर्वक सो जिम्मेवारी पूरा गरेका छन् ।

    अधिकृतमा पनि उनी खुला प्रतिस्पर्धाबाट उतीर्ण भएका थिए । उनी शिक्षा सेवामार्फत निजामती सेवामा प्रवेश गरेका हुन् । अहिले ३८ वर्षको युवा उमेरमै उनले खुला प्रतिस्पर्धामा सहसचिव उतीर्ण गरी आफ्नो क्षमता प्रदर्शन गरेका छन् । उनले सार्वजनिक प्रशासनमा स्नातकोत्तर गरेका छन् । कर्मचारीतन्त्रप्रति समाज सकारात्मक बन्न नसकिरहेको अवस्थामा पौडेल जस्ता युवा पिढीबाट केहि सकारात्मक सम्भावना र सुधारको अपेक्षा गर्न सकिन्छ ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...