भक्तपुर पोष्ट संवाददाता भक्तपुर, ६ जेठ २०८१
भक्तपुर, ६ जेठ २०८१सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ । उनले सो सम्पत्ती आफ्नो सम्पत्ति विवरणमा उल्लेख गरेका छन् । उनको पैत्रिक थलो भक्तपुर हो । भक्तपुरको चाँगु नगरमा उनको जमिन रहेको बताइएको छ ।
यस्तै, ग्लोबल आइएमई बैंकमा ५ हजार रुपैयाँ, नेपाल बैंक लिमिटेडमा १ लाख ५ हजार रुपैयाँ मात्र लामिछानेले आफ्नो सम्पत्ति देखाएका छन् ।
यस्तै श्रीमती निकिता पौडेलको माइतीको सगोलमा १० रोपनी जग्गा, ८० तोला सुन, २० केजी चाँदी, गोपिकृष्ण सेन्ट्रल कम्प्लेक्समा २५ प्रतिशत शेयर रहेको उल्लेख गरेका छन् । यस्तै घर किन्न १ करोड ५० लाख ऋण रहेको उल्लेख छ ।
श्रीमती र आफ्नो आयबाट ४२ लाखमा किनेको टाटा नेक्सन इभी कार सहित उनले सम्पत्ति विवरण पेस गरेका छन् ।