भक्तपुर पोष्ट संवाददाता भक्तपुर, २१ जेठ २०८१
भक्तपुर, २१ जेठ २०८१भक्तपुरको भक्तपुर नगरपालिका वडा नं. १० कमलविनायकमा घरको झ्यालबाट खसेर एक बालकको ज्यान गएको छ । करिब १ वर्ष ५ महिने बालकको झ्यालबाट खसेर ज्यान गएको हो ।
रामेछापको रामेछाप नगरपालिका वडा नं. ३ घर भई कमलविनायकमा डेरा गरी बस्ने सरु खड्काको छोरा सम्राट खड्का झ्याल नजिकैको खाटमा खेल्ने क्रममा झ्यालबाट भूँइमा खस्दा ज्यान गएको जिल्ला प्रहरी परिसर भक्तपुरका सूचना अधिकारी रहेका डिएसपी राजन कार्कीले जानकारी दिए । सोमबार बिहान करिब ११ बजे लडी गम्भिर घाईते भएका बालकलाई तत्कालै उपचारको लागि मध्यपुर अस्पताल लगिएको थियो । उपचारकै क्रममा दिउँसो १ बजेको समयमा बालकको ज्यान गएको सम्बन्धित चिकित्सकले घोषणा गरेका थिए ।
घटनाको सम्बन्धमा थप अनुसन्धान कार्य भईरहेको प्रहरीको भनाइ छ ।