भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ परेका छन् । श्रोत नखुलेको नेपाली रुपैयाँ सहित प्रहरीले उनीहरुलाई पक्राउ गरेको हो ।

बुधवार मध्यान्ह साढे १२ बजे महेश्वरी पेट्रोल पम्प नजिकै बा.२ ज.५१६ नं.को ट्याक्सी रोकी चेकजाँच गर्ने क्रममा ४ जना चिनियाँ नागरिकहरुबाट स्रोत नखुलेको ६९ लाख ५ हजार रुपैयाँ फेला पारिएको जिल्ला प्रहरी परिसर भक्तपुरका डिएसपी राजन केसीले जानकारी दिएका हुन् । जगाती तर्फ आउदै गरेको सो ट्याक्सीलाई विशेष निगरानी गरी जाँच गर्दा श्रोत नखुलेको रकम देखिएपछि ट्याक्सीमा सवार ४ चिनियाँ नागरिकलाई नियन्त्रणमा लिइएको छ ।

भक्तपुर प्रहरी परिसरले जनाए अनुसार पक्राउ पर्नेमा चीन घर भई हाल काठमाडौंमा बस्ने र्ष ३२ को Zhang Yuan , वर्ष ५० को णिङ्गXइअलिन, वर्ष २४ को Quo Haoran र वर्ष ३६ को Dena laiyu रहेका छन् । उनीहरुलाई आन्तरिक राजश्व कार्यालय भक्तपुरमा बुझाउने बताइएको छ ।