News Portal

  • राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरपोष्ट संवाददाता भक्तपुर, २४ जेठ २०८१
    ३१३ पटक
    भक्तपुर, २४ जेठ २०८१

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता जाहेर गरेका छन् । भक्तपुरको बालकोट निवासी पूर्व प्रधानमन्त्री ओलीले बुधवार वातावरण दिवसको अवसरमा आयोजित अभियानको अरनिको राजमार्ग सरसफाईमा जोडिदै ‘राष्ट्रका लागि दुई घण्टा अभियान’ मा ऐक्यवद्धता जाहेर गरेका हुन् ।

    ‘हाम्रो भूमि, हाम्रो भविष्य’ भन्ने नारासहित सफाई अभियानमा रहेको राष्ट्रको लागि दुई घण्टा अभियानको पूर्व प्रधानमन्त्री ओलीले मुक्त कण्ठले प्रशंसा गरे । उनले राष्ट्रको लागि सबै नागरिकले सोच्नुपर्ने बताउदै कम्तिमा दुई घण्टा राष्टको नाममा सेवा गर्ने अभियानमा सामेल हुन अपिल समेत गरेका छन् ।

    पूर्व प्रधानमन्त्री ओलीले कौशलटार, गठ्ठाघर, शंखधर चोक, राधेराधे, सृजनानगर, सल्लाघारीहुदै सूर्यविनायकसम्म अभियन्ताले गरेका कामको अवलोकन समेत गरेका थिए । सो अवसरमा अभियन्ताहरुले चोकचोकमा उनलाई ऐक्यवद्धताका लागि स्वागत र आभार प्रकट गरेका थिए ।

    अभियन्तासँगै सडक बढारेर सफाई अभियानमा पूर्वप्रधानमन्त्री ओलीले अभियन्ताहरुलाई हौसला प्रदान गरेका राष्ट्रका लागि दुई घण्टा अभियानका उपाध्यक्ष नरेश रन्जितले बताए । वातावरण दिवसको दिन अरनिको राजमार्गको दायाँ बायाँ रोपिएका बिरुवाको संरक्षण र सडकमा भएको फोहोरको व्यवस्थापन गरिएको अभियानका अध्यक्ष मधु ढुंगेलले बताएका छन् ।

    कार्यक्रममा पूर्व प्रधानमन्त्री ओली संगै उनकी पत्नी राधिका शाक्य ओलीको समेत सहभागिता रहेको थियो । सो अवसरमा सूर्यविनायक नगरपालिकाका प्रमुख बासुदेव थापा, उपप्रमुख सरिता तिम्सिना, मध्यपुर थिमीका नगर प्रमुख सुरेन्द्र श्रेष्ठ, चाँगुनारायणका उपप्रमुख रमेश बूढाथोकी, जिल्ला समन्वय समितिकी उपप्रमुख, जिल्ला प्रशासन कार्यालयकी प्रमुख रोशानीकुमारी श्रेष्ठ, विभिन्न संघ संस्थामा आबद्ध प्रतिनिधि, महिला समुह, विद्यालय, कलेजका विद्यार्थी, स्थानीय तथा राजनीतिक व्यक्तिहरुको बाक्लो उपस्थिति रहेको थियो ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...