भक्तपुर, १ ासार २०८१बागमती प्रदेश सरकारले ६४ अर्ब ५४ करोड ४ लाख ३१ हजारको बजेट सार्वजनिक गरेको छ । प्रदेश सरकारका आर्थिक मामिलामन्त्री जगन्नाथ थपलियाले आगामी आर्थिक वर्षको लागि ६४ अर्ब ५४ करोड ४ लाख ३१ हजार रुपैयाँको बजेट शनिवार सार्वजनिक गरेका हुन् ।
बजेटको पुजिगत तर्फ ३६ अर्ब ९३ करोड ८७ लाख ४९ हजार, चालू तर्फ २६ अर्ब १० करोड १९ लाख ८२ हजार र बित्तीय तर्फ : १ अर्ब ५० करोड रुपैयाँ रहेको छ ।
संघीय सरकारको बजेटमा ससक्त उपस्थिति देखाएको भक्तपुरको बागमती प्रदेशको बजेट बक्तब्यमा पनि उल्लेखनीय उपस्थिति रहेको देखिन्छ । प्रदेश सरकारका मुख्यमन्त्रीका प्रमुख राजनीतिक सल्लाहकार एवं भक्तपुरका बौद्धिक नेता डिपी ढकालले प्रदेश सरकारको बजेटले भक्तपुरलाई पर्याप्त स्थान दिएको दावी गरेका छन् । अर्थ राजनीतिका विज्ञ समेत मानिने नेता ढकालले एउटै बजेटमा भक्तपुरका सबै अपेक्षा पूरा हुन नसक्ने भन्दै बजेटको सीमा हेर्दा भक्तपुरको स्थान सन्तोषजनक मान्नुपर्ने जिकिर गरेका छन् ।
बजेट वक्तब्यमै उपत्यकाको सम्पदा जोडेर सम्पदा परिपथ बनाइने कुरा उल्लेख हुनु र त्यसमा भक्तपुर, मध्यपुर थिमी र चाँगुनारायण सम्पदा क्षेत्र समेटिनुले सम्पदा र पर्यटनको क्षेत्रमा राम्रो प्रगती हुने अपेक्षा गरिएको छ ।
त्यसैगरी पशुपतिनाथ, सन्तानेश्वर, भक्तपुरको दतात्रय सूर्यविनायकको डोलेश्वर र चाँगुनारायणको नगरकोटस्थित महादेव पोखरी जोडेर शिव सर्किट निर्माण गर्ने घोषणा गरिएकोले यस क्षेत्रको बिकास र धार्मिक पर्यटनमा समेत टेवा पुग्ने बताइएको छ ।
बजेट बक्तव्यमा नगरकोटलाई खुल्ला चलचित्र छायांकन स्थलको रुपमा बिकाश गरिने कुराले राष्ट्रिय अन्तराष्ट्रिय चलचित्रका लागि नगरकोट गन्तव्यस्थल बन्न सक्ने बिश्वास व्यक्त गरिएको छ ।
त्यस्तै खाश्राङ खुश्रुङ खोला (कासङ खोला ) र महादेव खोला करिडोर निर्माणले चाँगुनारायण नगरपालिकाको शहर बिकासमा सहयोग पुग्ने छ भने स्मार्ट ट्र्यायल सेन्टर र सास्कृतिक औद्योगिक ग्राम पनि चाँगुनारायण नगरपालिकामा बन्ने बजेटमा उल्लेख छ ।