News Portal

  • हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    भक्तपुर पोष्ट संवाददाता भक्तपुर, ६ ासार २०८१
    ७१० पटक
    hanumante nareshभक्तपुर, ६ ासार २०८१

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको सभ्यताको प्रतिनिधित्व गर्दछ ।

    बागमती नदीको प्रमुख सहायक मध्येको भक्तपुरको हनुमन्ते खोला उपत्यकाकै सभ्यताको पहिचान पनि हो । तर, पछिल्लो समय यो खोला मिचिँदा सर्वसाधारणले सास्ती पाइरहेका छन् । हनुमन्ते खोलालाई हिउँदमा मान्छेले मिच्छन्, बर्षा लागेपछि यसले मान्छेका बस्ती मिच्ने गर्दछ ।

    वर्षाको समयमा जिल्लाको भक्तपुर, मध्यपुर थिमी र सूर्यविनायक नगरपालिकामा हनुमन्ते आसपासका बस्ती सधै डुबानको जोखिममा रहने गरेका छन् । आर्थिक वर्ष २०७५/०७६ बाट नै सल्लाघारीको पुलदेखि बालकुमारी पुल सम्म करिव ९ किलोमिटर हनुमन्ते नदीको दुवै किनारामा ८ मिटर चौडा कालो पत्र सडक, १ देखि २ मिटर चौडा फुटपाथ र १० मिटर चौडा हरियाली क्षेत्र बनाउने भनिएपनि त्यो काम अझैपनि अलपत्र बन्न पुगेको छ ।

    बागमती सभ्यता एकीकृत विकास समितिले हनुमन्ते खोला व्यवस्थापन गर्न खोजेपनि जग्गा बिबादको कारण त्यो सम्भव हुन सकेको छैन । हनुमन्ते करिडोर यो क्षेत्रकै बिकास र सभ्यताको घोतक तथा लाइफ लाइन हुनसक्छ । तर, यसको समस्या सुल्झाउन राजनीतिक र प्रशासनीक नेतृत्व उदाशीन देखिन्छ । यसका लागि अघिल्लो आर्थिक वर्षमा विनियोजित २ अर्व रुपैंयाँ कामै गर्न नसक्दा फ्रिज हुनपुग्यो भने यस आर्थिक वर्षमा पनि सरकारले बिनियोजन गरेको १५ करोड रुपैयाँको कुनै काम हुन सकेको छैन ।

    जनताको करबाट हनुमन्तेलाई यो वर्ष प्राप्त १५ करोड रुपैयाँ खेर जान दिने स्थानीय सरकार, राजनीतिक र प्रशासनीक नेतृत्व तथा सरोकारवालाले यसको जवाफ दिनुपर्ने स्थानीय नेता एवं सामाजिक अभियन्ता नरेश रंजित बताउँछन् ।

    वाइसिएलको केन्द्रीय सदस्य एवं भक्तपुर जिल्ला इन्चार्ज समेत रहेका मथिनपा-३ का स्थानीय नरेश रंजित राष्ट्रको लागि दुई घण्टा अभियानका उपाध्यक्ष समेत हुन् । हनुमन्ते सरसफाई अभियानको प्रमुख अभियन्ता रही १ सय हप्ता सरसफाईमा संलग्न भएका रन्जितले हनुमन्तेका लागि आएको रकम प्रयोग गर्न नसक्नु नालायकीपन भएको बताएका छन् ।

    जनताको रगत पसिनाको बजेट फ्रिज भएको छ, हनुमन्ते अव्यस्थित छ भन्दै उनले सार्वजनिक रुपमै आक्रोश पोखेका छन् । हनुमन्ते डुबानले हुने जनधनको क्षतिको जिम्मा बजेट फ्रिज गराउनेहरुले नै लिनुपर्ने उनको भनाइ छ ।

    ” करिडोरको एजेन्डा उठाएर चुनाव जितेको जस्तो सजिलो छैन ।” उनले भनेका छन् । हेक्का रहोस ! हिजो डोजर लगाउन रोक्नेहरु निर्वाचित भएर के हेरिरहेका छन् ?” उनले जनप्रतिनिधिलाई प्रश्न पनि गरेका छन् ।

    चारदोवाटो ब्लक कारखाना लगायतका हनुमन्तेको सार्वजनिक जग्गा हडप्न काम गर्न नदिएको हो भने युवाहरुले त्यसको भण्डाफोर गर्ने उनले चेतावनी दिएका छन् । सार्वजनिक सम्पत्तिको रक्षा र सदुपयोगमा आफूहरू कसैसंग सम्झौता नगर्ने उनको उद्घोष छ । जनतालाई भ्रममा राखेर आफ्नो दुनो सोझ्याउन खोज्नेहरु विरुद्ध आम विकासप्रेमी, हनुमन्तेप्रेमी र प्रकृतीप्रेमीलाई एकजुट हुन उनले अपिल समेत गरेका छन् ।

    ‘हिजो करिडोरमा राजनीति गरेर जनताको रगत पसिनाले तिरेको करको २ अर्ब बजेट फ्रिज भएको बिर्सेको छैन र अहिले प्रदेश सरकारको १५ करोड फ्रिज गरेको हेरिसक्यौं । अब अझै कति चुप बस्ने ? उनले सचेत वर्गलाई प्रश्न गरेका छन् । विकासप्रेमी, हनुमन्तेप्रेमी र प्रकृतीप्रेमीहरु मिलेर हनुमन्तेलाई एक नमूना नदीको रुपमा पुनर्जीवन दिनुपर्नेमा नेता एवं अभियन्ता नरेश रन्जितले जोड दिएका छन् ।

    प्रतिकृया दिनुहोस्

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...

    टिप्परमा स्कुटी ठोक्किँदा २१ वर्षीय युवकको निधन

    भक्तपुरमा टिप्परको पछाडि ठोक्किएर दुर्घटनामा परेका स्कुटी चालकको ज्यान गएको छ । ज्यान गुमाउनेमा तेह्रथुम...

    प्रदेशमा भक्तपुरका सांसद थापामगरको मन्त्री पद सुनिश्चित, श्रेष्ठको पनि सम्भावना कायमै

    भक्तपुर-२ (क) सूर्यविनायक क्षेत्रबाट निर्वाचित प्रदेश सभा सदस्य किरण थापामगर र भक्तपुर-१ (क) चाँगुनारायण क्षेत्रबाट...

    सत्ताका लागि खेलोफड्को गर्ने र अस्थिरताको दोष व्यवस्थालाई दिने भन्दै नेपालको कटाक्ष

    नेकपा एकीकृत समाजवादीका अध्यक्ष माधवकुमार नेपाल संसदमा बोल्दै थिए । प्रधानमन्त्री केपी ओलीले आफ्नो पक्षमा...

    प्रधानमन्त्री ओलीले पाए विश्वासको मत

    प्रधानमन्त्री केपी शर्मा ओलीले विश्वासको मत पाएका छन् । प्रतिनिधि सभाको आजको बैठकमा प्रधानमन्त्री ओलीले...