भक्तपुर, १३ असार २०८१यस वर्षको एसईई परीक्षामा भक्तपुरको मोडर्न स्कूलकी छात्रा बुमिरा माकजुले ४ जिपिए ल्याएकी छन् । सर्वोत्कृष्ट मानिने ४ जिपिए ल्याउन माकजु सफल भएकी हुन् ।
विद्यालयका प्रिन्सिपल राजन कस्पालले आफ्नी छात्रा माकजुले ४ जिपिए प्राप्त गरेको पुष्टि गरे । अर्का छात्र प्रज्वल गुरागाईले भने ३.९५ जिपिए प्राप्त गर्दै माकजुलाई पछ्याएका छन् । ४ जनाले ३.९० ल्याएका विद्यालयले जनाएको छ ।
उच्च माध्यमिक विद्यालय एसोसिएसन(हिसान)का जिल्ला अध्यक्ष समेत रहेका मोडर्नको स्कुल र कलेजका संयुक्त प्राचार्य अनिल कस्पालले एसईई नतिजाले उत्साहित बनाएको बताएका छन् । गुणस्तरीय शिक्षामा विद्यालयले आफूलाई पुन: अब्बल प्रमाणित गरेकोमा उनले सन्तोष ब्यक्त गरे ।
मोडर्नको दधिकोटबाट १ सय ६ जना र सृजनानगरबाट २९ जना गरी १ सय ३५ विद्यार्थी एसईईमा सामेल भएका थिए ।
यस् वर्ष गत वर्षहरुमा जस्तो ४ जिपिएको वर्षा भएको छैन । २८ जिल्लाका विद्यार्थीले मात्र ४ जिपिए ल्याएका छन् भने भक्तपुरका ६ सहित देशभर जम्मा १ सय ७६ विद्यार्थीले मात्र यो वर्ष ४ जीपीए ल्याउन सफल भएका छन् ।