News Portal

  • भक्तपुरका सामाजिक अभियन्ता सुवाल र काफ्लेलाई मानार्थ विद्यावारिधि

    भक्तपुर पोष्ट संवाददाता भक्तपुर, १९ ासार २०८१
    १०५३ पटक
    भक्तपुर, १९ ासार २०८१

    भक्तपुरमा रही विभिन्न सामाजिक अभियानमा सक्रिय अभियन्ता बालमुकुन्द सुवाल र नवराज काफ्ले ‘मानार्थ विद्यावारिधि’ बाट सम्मानित भएका छन् । भारतको नयाँ दिल्ली ठेगाना रहेको सुकरात सामाजिक अनुसन्धान विश्वविद्यालय(सोक्रेट्स सोसियल रिसर्च युनिभर्सिटी) ले सुवाल र काफ्लेलाई मानार्थ विद्यावारिधि र इन्टरनेसनल गौरव अवार्ड प्रदान गरेको हो ।

    भक्तपुर नगरका सुवाल योग, पत्रकारिता र सहकारी मार्फत सामाजिक सेवामा सक्रिय रहेका छन् । उनी पातन्जल योग समिति नेपाल, नेपाल पत्रकार महासंघ भक्तपुर, नेपाल रेडक्रस सोसाइटी भक्तपुर र शुभकामना बचत तथा ऋण सहकारी संस्था लगायत दर्जनौं सामाजिक संघसस्थासंग आवद्ध छन् ।

    त्यसैगरी चाँगुनारायण-२ दुवाकोट निवासी अभियन्ता काफ्ले राष्ट्रको लागि दुई घण्टा अभियान, पातन्जल योग, स्वच्छ बायु प्रवर्धन, सडक मानवमुक्त अभियान लगायत दर्जनौं अभियानमा रातदिन सक्रियतापूर्वक लागिरहने अभियन्ता हुन् । सामाजिक काममा सहभागी हुन उनलाई एक सूचना नै पर्याप्त हुन्छ । हरेक सामाजिक काममा सकेसम्म सहभागी हुने र सक्रियता देखाउने उनको स्वभाव सबैमाझ परिचित छ ।

    सोक्रेट्स सोसियल रिसर्च युनिभर्सिटीले आफूहरुको सामाजिक कामको कदर स्वरुप मानार्थ विद्यावारिधि र इन्टरनेसनल गौरव अवार्ड प्रदान गरेको उनीहरुले सामाजिक संजालमार्फत जानकारी गराएका छन् । दिल्लीमा आयोजित एक समारोहका बीच उनीहरुलाई सो अवार्ड प्रदान गरिएको युनिभर्सिटीले पनि पुष्टि गरेको छ ।

    यद्यपी, सोक्रेट्स सोसियल रिसर्च युनिभर्सिटीले नेपालमै अवार्ड वितरण कार्यक्रम गर्ने भनिएपनि अनुमति लिन नसक्दा त्यो संभव भएन । काठमाडौंको पर्यटन बोर्डस्थित सभाहलमा ‘मानार्थ पिएचडी’ बाड्ने कार्यक्रमको प्रचार गरिएको थियो । शिक्षा मन्त्रालयबाट कार्यक्रम गर्न कुनै अनुमति नदिएको भन्दै मन्त्री सुमना श्रेष्ठले सो कार्यक्रम रोक्न निर्देशन दिएकी थिइन् । त्यसपछि आयोजकले नेपालीलाई दिल्ली नै पुर्याएर अवार्ड प्रदान गरेको हो ।

    सोक्रेट्स सोसल रिसर्च युनिभर्सिटीको वेबसाइट हेर्दा सो विश्वविद्यालय एथेन्सका दार्शनिक सुकरात र भारतका स्वामी विवेकानन्दको प्रेरणा पथ पछ्याउदै स्थापना भएको भनिएको छ । यो दिल्लीको राष्ट्रिय राजधानी क्षेत्र सरकार(जिएनसिटी)को भारतीय ट्रस्ट ऐन अन्तर्गत दर्ता भएको उल्लेख छ । त्यसैगरी यो नीति आयोग, आयकर विभाग, साना तथा मझौला उद्योग मन्त्रालयमा पनि दर्ता भएको बताइएको छ ।

    मानार्थ विद्यावारिधि र इन्टरनेसनल गौरव अवार्ड कुनै शैक्षिक डिग्री नभई सम्मानको डिग्री भएको युनिभर्सिटीले स्पष्ट पारेको छ । २० वर्ष समाजसेवाको योग्यताको प्रमाणको आधारमा सो सम्मानको डिग्रीको व्यवस्था गरिएको बताइएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...