News Portal

  • आस्था महिला विद्यालयमा २ सय ४० जनाको नि:शुल्क स्वास्थ्य जाँच, ३८ जनाले गरे रक्तदान

    भक्तपुर पोष्ट संवाददाता मध्यपुर थिमि, २१ असार २०८१
    ६०६ पटक
    मध्यपुर थिमि, २१ असार २०८१

    भक्तपुरको मध्यपुर थिमि-३ स्थित आस्था महिला बैकल्पिक विद्यालयको आयोजनामा गरिएको स्वास्थ्य शिविरमा २ सय ४० जनाको नि:शुल्क स्वास्थ्य जाँच गरिएको छ भने सो अवसरमा ३८ जनाले रक्तदान गरेका छन् ।

    शुक्रवार विद्यालय प्राङ्गणमा सम्पन्न स्वास्थ्य शिविरमा २ सय ४० जनाले नि:शुल्क स्वास्थ्य परीक्षण गराएका र ३८ जनाले रक्तदान गरेका विद्यालय व्यवस्थापन समितिका सदस्य एवं युवा समाजसेवी नरेश रन्जितले जनाएका हुन् ।

    नागरिक कम्युनिटी टिचिंग अस्पताल गठ्ठाघरको प्राविधिक सहयोगमा स्वास्थ्य शिविर सम्पन्न भएको हो । सो अवसरमा सेवाग्राहीलाई पाठेघरको मुखको क्यान्सरको चेकजाँच, स्त्री रोग सम्बन्धी चेकजाँच, उपचार र परामर्स प्रदान गरिएको नागरिक कम्युनिटी टिचिंग अस्पताल गठ्ठाघरका उपनिर्देशक अशोक राईले बताएका छन् । शिविरमा आखाँ रोग, मधुमेह लगायतको परीक्षण समेत गरिएको थियो । शिविरमा राष्ट्रका लागि दुई घण्टा अभियान, लायन्स क्लब अफ भक्तपुर नागरिक र भक्तपुर निलकंठेश्वरको समेत सहकार्य रहेको थियो ।

    स्वस्थ जीवनका लागि स्वास्थ्य परीक्षण अत्यावश्यक भएकोले विद्यालयले स्वास्थ्य शिविर संचालन गरेको विद्यालयकी प्रधानाध्यापक विना देउजाले बताइन । रक्तदान जीवनदान भएकोले यसलाई महत्व दिएर विद्यालयले रक्तदान कार्यक्रम पनि गरेको उनको भनाइ छ ।

    शिविर उद्घाटन गर्दै प्रमुख अतिथि रहेका मध्यपुर थिमि नगरपालिकाका प्रवक्ता, वडा नम्बर ३ का वडाध्यक्ष एवं विद्यालय व्यवस्थापन समितिका अध्यक्ष कृष्णहरि आचार्यले शिक्षा र स्वास्थ्यलाई स्थानीय सरकारले महत्वका साथ् अघि बढाइरहेको बताए । आस्था महिला विद्यालयले शिक्षाको अवसरबाट बन्चित महिलालाई शिक्षाको अवसर जुटइदिने गरेको बताउदै उनले यस विद्यालयको भौतिक विकासमा साथ् दिने प्रतिवद्धता प्रकट गरे । मनोहरा करिडोरमा विद्यालयका लागि जग्गा उपलब्ध गराउने र भवन बनाउन सहयोग गर्ने समेत उनले आश्वासन दिएका छन् ।

    शिविरमा नेकपा (एमाले)का जिल्ला अध्यक्ष बचन देउजा, विद्यालय पूर्व अध्यक्ष एवं सूर्यविनायक नगरपालिकाकी पूर्व उपप्रमुख जुना बस्नेत, मध्यपुर थिमिकी पूर्व उपप्रमुख अञ्जना देवी मधिकर्मी त्यसैगरी नागरिक अस्पतालका संचालक श्रीभक्त कासिछ्वा, राष्ट्रका लागि दुई घण्टा अभियानका अध्यक्ष मधु ढुंगेल, नेपाल पत्रकार महासंघ भक्तपुरका अध्यक्ष जगतकृष्ण प्रजापति लगायतको आतिथ्यता रहेको थियो ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...