![](https://bhaktapurpost.com/wp-content/themes/onlineparda/images/1px.gif)
सूर्यविनायक नगरपालिकाले ‘मेयरसंग जनता स्वास्थ्य कार्यक्रम’ अघि सारेको छ । नगरपालिकाले साउनदेखि शुरु हुने गरी यो कार्यक्रम अघि सारेको हो ।
सबै नागरिकलाई स्वास्थ्य सेवामा सरल र सहज पहुँच पुर्याउने उदेश्यले उदेश्यले मेयरसंग जनता स्वास्थ्य कार्यक्रम ल्याइएको नगर प्रमुख बासुदेव थापाले बताए । यस अन्तर्गत प्रत्येक वडामा महिनाको कम्तिमा एक दिन चिकित्सक सहितको स्वास्थ्य टोलीले ‘मोबाइल क्लिनिक सेवा’ प्रदान गरिने उनले जानकारी गराए ।
यसले टेलीमेडिसिनलाई प्रोत्साहन गर्ने र नागरिकको रोग स्क्रिनिंग, उपचार एवं परामर्श सेवा प्रभावाकरी पार्न मद्दत मिल्ने नगरपालिकाले बिश्वास व्यक्त गरेको छ ।
शुक्रवार पत्रकार भेटघाटमा नगर प्रवक्ता रविन्द्र सापकोटाले नगरपालिकाले स्वास्थ्य संगै शिक्षालाई पनि महत्वका साथ् अघि बढाएको बताए । सामुदायिक विद्यालयमा विद्यार्थीको आकर्षण बढाइने बताउदै प्रवक्ता सापकोटाले शिक्षाको गुणस्तर वृद्धिका लागि सिकाइ क्रियाकलाप लाई योजनाबद्ध संचालनका लागि आवधिक शिक्षा योजना निर्माण गरिने जानकारी गराए ।