![](https://bhaktapurpost.com/wp-content/themes/onlineparda/images/1px.gif)
भक्तपुरमा उच्च भोल्टेज प्रवाह हुँदा रेडियो मस्तीमा क्षती पुगेको छ । सूर्यविनायक-८ स्थित रेडियो मस्तीका विद्युतीय उपकरणमा क्षती पुगेपछि प्रशारण समेत अवरुद्ध हुन पुगेको हो ।
शनिवार दिउँसो पौने ४ बजे हाइ भोल्टेज प्रवाह भएर युपीएस लगायत उपकरण जलेको स्टेसन मेनेजर बिपिन ढुंगानाले बताए । रेडियो प्रसारण सेवा अवरुद्ध भएको र ट्रान्समिटरको अवस्था आइतवार जांच गरिने उनले जनाएका छन् । आइतवारबाट पुन कार्यक्रम प्रशारण सुचारु गरिने उनले जानकारी गराए ।
जिल्लामा बिजुली जाने आउने र भोल्टेज कम बेसी भैरहने घटना बारम्बार भैरहंदा स्थानीय आजित छन् । स्थानीयका सामु विद्युतीय उपकरणको सुरक्षा चुनौती थपिएको छ ।