![](https://bhaktapurpost.com/wp-content/themes/onlineparda/images/1px.gif)
भक्तपुरमा टिप्परको पछाडि ठोक्किएर दुर्घटनामा परेका स्कुटी चालकको ज्यान गएको छ । ज्यान गुमाउनेमा तेह्रथुम स्थायी ठेगाना भै मध्यपुर थिमी-३ सागबारी बस्ने नवीन पुदुङ लिम्बू रहेका छन् ।
सोमबार दिउँसो मध्यपुर थिमी-१ लौहकिन्थली मनोहरामा बिग्रेर रोकिरहेको टिपरमा २१ वर्षीय लिम्बूले चलाएको बागमती प्रदेेेशमा दर्ता रहेको ९०३५ नम्बरको स्कुटी भक्तपुर तर्फ आउदै गर्दा ठोक्किएको थियो । गम्भीर घाइते उनलाई उपचारका लागि भक्तपुर इन्टरनेेेशनल अस्पताल पुर्याइएको थियो । उपचारकै क्रम्मा मंगलबार अपराह्न उनको ज्यान गएको प्रहरीले पुष्टि गरेको हो ।
आवश्यक अनुसन्धानका लागि टिपर चालक काभ्रे भुम्लुका पूजन शाहलाई नियन्त्रणमा लिइएको जिल्ला प्रहरी परिसरका डिएसपी राजन केसीले जनाएका छन् ।