![](https://bhaktapurpost.com/wp-content/themes/onlineparda/images/1px.gif)
मिस भक्तपुर डिबाको फाइनल शुक्रवार हुने भएको छ । प्रतियोगिताको फाइनल चरणमा ११ प्रतियोगी रहेका छन् ।
मध्यपुर थिमिस्थित थिमि ब्याङ्कैटमा शुक्रवार दिउँसो ३ बजेबाट प्रतियोगिता शुरु हुने आयोजक VersinoNepal ले जनाएको छ । प्रतिस्पर्धामा विजेताले रु ५० हजार नगदका साथै ताज र विभिन्न आकर्षक पुरस्कार प्राप्त गर्ने आयोजकको भनाइ छ ।
प्रतियोगितामा भक्तपुर, ललितपुर र काठमाडौंका १७ देखि २४ उमेर वर्ष उमेर समुहका युवतीहरुले प्रतिस्पर्धा गरिरहेका छन् । उनीहरुको शारारीक, बौद्धिक एवं सांस्कृतिक पक्षहरूको मूल्यांकन गर्दै बिजेता घोषित गरिने बताइएको छ ।
बिज एजुकेसन,कोष्टलाईन भिजा सर्भिस तथा वेभ हिमालयन स्पोर्टस एण्ड फिटनेस सर्भिसले प्रायोजन गरेको प्रतियोगिताको फ़ाइनलमा बरिष्ठ कलाकार निर शाहको प्रमुख आतिथ्यता रहने प्रचार गरिएको छ ।