भक्तपुरपोस्ट संवाददाताभक्तपुर, १३ साउन २०८१
भक्तपुर, १३ साउन २०८१भक्तपुरको छ लेन सडक अन्तर्गत नयाँ थिमिमा टिपरको ठक्कर बाट २१ वर्षीय युवकको ज्यान गएको गएको छ । ज्यान गुमाउनेमा काभ्रेको मन्डनदेउपुर-१ घर भै हाल भक्तपुरको कमलबिनायक बस्दै आएका युवक सुभाष तामाङ रहेका छन् ।
गएराती १:२० बजे भक्तपुर तर्फ आउदै गर्दा उनले चलाएको बागमती प्रदेश ७ प ५३५३ नम्बरको मोटरसाइकललाई टिपरले पछाडि बाट ठक्कर दिएको थियो । गम्भीर घाइते तामाङलाई मध्यपुर अस्पतालले करिब पौने २ बजे नै मृत घोषित गरिदिएको डिएसपी राजन कार्कीले जानकारी दिए ।
मोटरसाइकल पछाडि सवार २० वर्षका अर्का युवक सन्जिब थापामगरको भने मध्यपुर अस्पतालमै उपचार भैरहेको डिएसपी केसीले जनाएका छन् ।
दुर्घटनामा सन्लग्न बागमती प्रदेश ४ ख २९०१ नम्बरको टिपर र चालक मन्डन्देउपुर-६ का राजकुमार राई प्रहरी नियन्त्रणमा रहेका छन् ।