भक्तपुरपोस्ट संवाददातासानोठिमी, १८ साउन २०८१
सानोठिमी, १८ साउन २०८१राष्ट्रिय परीक्षा बोर्डले कक्षा १२ को परीक्षाफल आजै प्रकाशनको तयारी गरेको छ । सोको स्वीकृतीको लागि यतिबेला बोर्ड बैठक बसिरहेको छ ।
सानोठिमीस्थित राष्ट्रिय परीक्षा बोर्डको कार्यालयमा अध्यक्ष डा महाश्रम शर्माको अध्यक्षता बोर्ड बैठक बसिरहेको र आजै परीक्षाफल प्रकाशनको तयारी भैरहेको श्रोतको भनाइ छ ।
१३ सदस्यीय बोर्डले परीक्षाफलको डेमो हेरिसकेको र प्रकाशनको लागि स्वीकृती प्रदान गरिसकेको बताइएको छ ।
परीक्षाफल प्रकाशित भएपछि राष्ट्रिय परीक्षा बोर्डको वेबसाईट www.neb.gov.np हेरेर अथवा नेपाल टेलिकमको १६०० नम्बरमा डायल गरि परीक्षाफल थाहा पाउन सकिनेछ । यसका लागि अन्य सेवाप्रदायकले पनि वेबसाईट, फोन र एसएमएसको सुविधा प्रदान गरेका छन् ।
गत वैशाख दोश्रो सातामा भएको कक्षा १२ को परीक्षामा ४ लाख ९१ हजार ४ सय ९७ परीक्षार्थी सहभागी भएका थिए ।