News Portal

  • चक्रपाणि राष्ट्रव्यापी खुला आधुनिक कथा प्रतियोगिताका लागि कथा आह्वान

    भक्तपुरपोस्ट संवाददाताभक्तपुर, २१ साउन २०८१
    ५३० पटक
    chakrapani chaliseभक्तपुर, २१ साउन २०८१

    साहित्यकार चक्रपाणि चालिसेको स्मृतिमा राष्ट्रव्यापी खुला आधुनिक कथा प्रतियोगिताका लागि कथा आह्वान गरिएको छ । चक्रपाणि स्मारक प्रतिष्ठानले चक्रपाणी राष्ट्रव्यापी खुला आधुनिक कथा प्रतियोगिता – २०८१ घोषणा गर्दै कथा आह्वान गरेको हो ।

    प्रतियोगिताबाट छानिने प्रथम द्वितीय र तृतीय स्थानमा पर्ने कथाका लागि क्रमशः रु. ३० हजार, २० हजार र १० हजार नगद पुरस्कार सहित प्रमाणपत्रको ब्यवस्था गरिएको आयोजक चक्रपाणि स्मारक प्रतिष्ठानका सदस्य सचिव रामगोपाल आशुतोषले बताएका छन् । चुनिएका २० कथाको पुस्तक पनि प्रकाशित गरिने उनले जानकारी गराए ।

    कथा नेपाली भाषामा लेखिएको अप्रकाशित हुनुपर्ने र अन्य भाषामा लेखिएका कथालाई नेपालीमा अनुवाद गरी पठाउन पर्ने सर्त राखिएको छ ।

    कथा प्रतियोगितामा भाग लिने कथा कम्तीमा १ हजार ५ सय शब्द र बढीमा ५ हजार शब्दसम्मको हुनुपर्ने बताइएको छ । प्रतियोगितामा सहभागिताका लागि कथा यही भदौ २० गते भित्र प्राप्त भैसक्नुपर्ने आयोजकको भनाइ छ ।

    प्रतियोगीले कथासँगै आफ्नो पूरा परिचय, सम्पर्क, मोबाइल नम्बर र हालसालै खिचिएको फोटो ‘चक्रपाणि’ स्मारक प्रतिष्ठानको इमेल मार्फत पठाउनुपर्ने प्रष्ट पारिएको छ ।

    कथा पठाउनका लागि इमेल [email protected] उपलब्ध गराइएको छ । थप जानकारीका लागि मोबाइल नम्बर  ९८४१३५८१३४ मा अध्यक्ष राममणि ढुङ्गेल र ९८५१११४५७५ मा सदस्य सचिव रामगोपाल आशुतोषसंग सम्पर्क गर्न सकिने बताइएको छ ।

    प्रतिकृया दिनुहोस्

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...