छिमेकी जिल्ला काभ्रेपलान्चोकमा ढलले बगाउँदा एक महिलाको ज्यान गएको छ । मंगलबार बिहान पौने ११ बजेको समयमा धुलिखेल न.पा. ५ श्रीखण्डपुरमा रहेको ढलको मकलमा छिरेर उनी बेपत्ता भएकी थिइन् ।

बगाएको स्थानबाट अन्दाजी ३ सय मिटर तल खेतमा तैरीएको अवस्थामा महिला मृत फेला परेको प्रहरीले पुष्टि गरेको छ ।

ज्यान गुमाउनेमा रामेछाप खाडादेवी गा.पा. ३ घर भइ हाल पनौति- ५ नैकिनटार बस्ने वर्ष ५० की भगवती भागदास रहेकी जिल्ला प्रहरी कार्यालय काभ्रेका डिएसपी राजकुमार श्रेष्ठले जानकारी दिएका छन् ।

ढलको मकलमा छिरी बगाएको भन्ने खबर प्राप्त हुनासाथ प्रहरी टोली खटी खोजतलास गर्दा करिब साढे ११ बजेको समयमा  शव भेटिएको प्रहरीको भनाइ छ । घटनाबारे थप अनुसन्धान भैरहेको बताइएको छ ।